سعودی وفد کا کامیاب دورہ پاکستان میں بھاری سرمایہ کاری کا باعث بنے گا، وزیراعظم

ویب ڈیسک

17th Apr, 2024. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی وفد کا کامیاب دورہ پاکستان میں بھاری سرمایہ کاری کا باعث بنے گا، وزیراعظم

اسلام آباد: وزیر اعظم محمد شہباز شریف نے کہا ہے کہ سعودی وفد کا دورہ پاکستان میں اربوں ڈالر کی سرمایہ کاری کا باعث بنے گا۔

وزیر اعظم شہباز شریف نے آج ہونے والے کابینہ اجلاس کے دوران گفتگو کرتے ہوئے کہا کہ سعودی وفد نے سعودی ولی عہد شہزادہ محمد بن سلمان کی خصوصی دلچسپی پر پاکستان کا دورہ کیا۔

دوران اجلاس وزیر اعظم نے سعودی ولی عہد سے اظہار تشکر کرتے ہوئے سعودی وفد کے کامیاب دورے پر وفاقی کابینہ اور متعلقہ حکام کی کوششوں کو بھی سراہا۔

شہباز شریف نے کہا کہ سعودی وفد، پاکستانی وزراء اور حکام کی تیاریوں سے بہت متاثر ہوا اور اس کا اظہار سعودی وزیر خارجہ شہزادہ فیصل بن فرحان السعود نے کھل کر کیا۔

وزیراعظم نے پاکستان میں سعودی سرمایہ کاری کی آمد اور منصوبوں کی تکمیل کو یقینی بنانے کے لیے اسی جذبے اور لگن کا مظاہرہ کرنے کی ضرورت پر زور دیا۔

شہباز شریف نے پاکستان کی ترقی کے لیے انتھک محنت کرنے کے پختہ عزم کا اظہار کیا اور کہا کہ مجھے پورا یقین ہے کہ اگر ہم اسی طرح محنت کرتے رہے تو پاکستان کی ترقی و خوشحالی اور معاشی استحکام کے اہدف جلد حاصل کر لیں گے۔