دانش اسکول کے بچے دنیا میں پاکستان کا نام روشن کررہے ہیں، وزیراعظم

ویب ڈیسک

09th Apr, 2024. 12:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دانش اسکول کے بچے دنیا میں پاکستان کا نام روشن کررہے ہیں، وزیراعظم

اسلام آباد: وزیراعظم محمد شہباز شریف نے کہا ہے کہ دانش اسکول کے بچے دنیا میں پاکستان کا نام روشن کررہے ہیں۔

وزیراعظم شہباز شریف نے اسلام آباد میں دانش اسکول سائٹ کے معائنہ کی تقریب سے خطاب کرتے ہوئے کہا کہ دانش اسکول بنانے پر تنقید کا سامنا کرنا پڑا، اسکول کا جال پنجاب میں بچھایا گیا، آزادکشمیر، گلگت بلتستان اور بلوچستان میں بھی دانش گاہیں بنانے جارہے ہیں۔

انہوں نے کہا کہ دانش اسکول کے بچے دنیا میں پاکستان کا نام روشن کررہے ہیں، نوازشریف کی لیڈر شپ میں دانش اسکول منصوبے کا آغاز کیا۔

شہباز شریف نے کہا کہ تنقید ہوئی دانش اسکول میں غریب کے بچے تعلیم حاصل نہیں کرسکیں گے، کیا غریب کا حق نہیں کہ اعلیٰ تعلیم حاصل کرسکے، غریب کو بھی وہی سہولتیں میسر ہوں جو کہ ہر پاکستانی کا حل ہے۔

وزیراعظم نے مزید کہا کہ یہ تھی وہ سوچ جسے نواز شریف آگے لیکر گئے، دانش اسکول بچوں کے لیے تعلیم کا سہارا بنا، دانش اسکول نے ہزاروں بچوں کو تعلیم کے زیور سے آراستہ کیا، اسی دانش اسکول کے چشم وچراغ شاندار ریکارڈ قائم کررہے ہیں۔