بانی پی ٹی آئی نے احتساب عدالت کے فیصلے کیخلاف اسلام آباد ہائیکورٹ سے رجوع کرلیا۔

سیاسی بیانات، میڈیا پررپورٹ کرنے پرقدغن کے معاملے پربانی پی ٹی آئی نے اسلام آبادہائیکورٹ سےرجوع کیا۔ انھوں نے وکیل سلمان اکرم راجہ کے ذریعے اسلام آباد ہائیکورٹ میں درخواست دائرکردی۔

بانی تحریکِ انصاف کی جانب سے دائر درخواست میں مؤقف اپنایا گیا کہ احتساب عدالت نے فیصلے میں کہا اداروں کیخلاف بیانات دینے سے گریزکریں، عدالت نےکہا میڈیا اپنی رپورٹنگ صرف ٹرائل کی حدتک محدودرکھے۔

درخواست میں یہ بھی کہا گیا کہ عدالت نے فیصلےمیں کہا میڈیا، وکلااورگواہان کے بیانات رپورٹ نہ کرے، اوپن کورٹ میں موجود صحافیوں کے حقوق پر قدغن نہیں لگائی جاسکتی۔

وکیل درخواست گزار نے مؤقف اپنایا کہ صحافیوں کووکلا، گواہان یاملزمان کے بیانات نشرکرنے سے نہیں روکا جاسکتا۔ ملزم کابیان دینا اورمیڈیا کارپورٹ کرنا آرٹیکل19 کے تحت محفوظ ہے۔

دائردرخواست میں یہ بھی کہا گیا کہ احتساب عدالت کا 19 اپریل کاحکمنامہ آرٹیکل 19 اور19 اے کے خلاف ہے، استدعا یے کہ  احتساب عدالت کا19اپریل کاحکمنامہ کالعدم قراردیاجائے۔

درخواست میں استدعا کی گئی کہ بانی پی ٹی آئی کوبیانات دینےسےنہ روکنےکےاحکامات جاری کیےجائیں، فیصلہ ہونےتک احتساب عدالت کا19اپریل کاحکمنامہ معطل کیاجائے۔