بجٹ معاشی دہشتگردی ہے، پاکستانی عوام پر ڈرون حملہ ہوا ہے، عمر ایوب

عمر حیات خان

10th Jul, 2024. 01:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجٹ معاشی دہشتگردی ہے، پاکستانی عوام پر ڈرون حملہ ہوا ہے، عمر ایوب

اسلام آباد: قومی اسمبلی میں اپوزیشن لیڈر عمر ایوب نے کہا ہے کہ بجٹ معاشی دہشتگردی ہے، پاکستانی عوام پر ڈرون حملہ ہوا ہے۔

پی ٹی آئی رہنما عمر ایوب نے قومی اسمبلی میں خزانہ کمیٹی اجلاس کے بعد میڈیا سے گفتگو کرتے ہوئے کہا کہ یہ ترمیمی بل اتنی عجلت میں کیوں لایا گیا، 7 ترامیم لارہے ہیں ہمیں میٹنگ سے پہلے مسودہ بھی نہیں دیا گیا۔

انہوں نے کہا کہ آج فائنانس کمیٹی اجلاس میں تین وفاقی وزراء آگئے، یہ وزراء اپنی کسی ایک قائمہ کمیٹی میں آجائیں تو بڑی بات ہوتی ہیں۔

عمر ایوب نے کہا کہ میں نے پوچھا کن پٹی پر پستول 30 بور کا تھا یا 9 ایم ایم کا، یہ آئی ایم ایف کا دباؤ ہے اور کیا ہے، یہ دہشتگرد بجٹ ہے، یہ پاکستانی عوام پر ڈرون حملہ ہوا ہے، یہ بجٹ پاکستانی عوام پر دہشتگردی کا حملہ ہے۔

پی ٹی آئی رہنما نے مزید کہا کہ یہ بورڈ آف ڈائریکٹرز سے ربر اسٹیمپ لگوائیں گے، مرضی کے فیصلے کرائیں گے، وزارتیں ختم کرنے سے کیا ہوگا کیا کوئی نفری میں تبدیلی آئے گی، ڈیپارٹمنس ختم ہوں گے لیکن بجٹ تو وہی رہے گا۔