تمام علاقوں سے پانی کی نکاسی کا کام مکمل کرلیا گیا ہے، سعید غنی

ویب ڈیسک

31st Aug, 2024. 04:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تمام علاقوں سے پانی کی نکاسی کا کام مکمل کرلیا گیا ہے، سعید غنی

وزیر بلدیات سندھ سعید غنی نے کہا ہے اس وقت کم و بیش تمام علاقوں سے پانی کی نکاسی کا کام مکمل کرلیا گیا ہے۔

وزیر بلدیات سندھ سعید غنی نے طارق روڈ پر سیوریج کی 24 انچ کی لائن کے جاری کام کا معائنہ کیا۔

صوبائی وزیر کے ہمراہ ٹائون چیئرمین چنیسر ٹائون فرحان غنی، میونسپل کمیشنر اقرار جلبانی، لیبر کونسلر قمر احمد، ایس ای واٹر بورڈ اعجاز احمد، ایکس ای این ارشد اور دیگر بھی ان کے ہمراہ موجود تھے۔

صوبائی وزیر کو بتایا گیا کہ مذکورہ 24 انچ کی سیوریج لائن گذشتہ روز بارشوں کے باعث زمین بوس ہوگئی تھی، جس پر فوری طور پر کام کا آغاز کرتے ہوئے لائن کو تبدیل کردیا گیا ہے۔

اس موقع پر سعید غنی نے کہا کہ لائن کی مرمت کے بعد فوری طور پر سیوریج کی روانی کو شروع کردیا جائے، ہماری بھرپور کوشش ہونی چاہیے کہ عوام کو کسی قسم کی پریشانی کا سامنا نہ کرنا پڑے۔

ان کا کہنا تھا کہ اس وقت بارشوں کے بعد شہر میں تمام ٹائونز کی انتظامیہ نے بروقت جو اقدامات کئے ہیں وہ تسلی بخش ہیں، اس وقت کم و بیش تمام علاقوں سے پانی کی نکاسی کا کام مکمل کرلیا گیا ہے۔

وزیر بلدیات سندھ سعید غنی نے مزید کہا کہ جن گلیوں اور چھوٹی سڑکوں پر پانی جمع ہے اس کی نکاسی کے لئے بلدیاتی عملہ دن و رات کوشاں ہے۔