آئی ایم ایف سے 7 ارب ڈالر قرض پروگرام کی منظوری کیلئے اہم پیش رفت

ویب ڈیسک

07th Aug, 2024. 09:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف سے 7 ارب ڈالر قرض پروگرام کی منظوری کیلئے اہم پیش رفت

اسلام آباد: بین الاقوامی مالیاتی فنڈ (آئی ایم ایف) سے 7 ارب ڈالر قرض پروگرام کی منظوری کے لئے اہم پیش رفت سامنے آگیا۔

پاکستان کی جانب سے چین، سعودیہ اور یو اے ای سے قرض کی مدت میں توسیع کی یقین دہانیاں حاصل کرلی گئی ہیں، تاہم پاکستان نے اس سال دوست ممالک کو 12 ارب ڈالر کے دوطرفہ قرضوں کی ادائیگیاں کرنی ہیں۔

چین، سعودی عرب اور یو اے ای نے قرض کی مدت میں ایک سال کی توسیع کی یقین دہانی کرادی، پاکستان کے ذمہ سعودی عرب کا 5 ارب ڈالر اور چین کا 4 ارب ڈالر قرض واجب الادا ہے۔

پاکستان نے متحدہ عرب امارات کو بھی 3 ارب ڈالر قرض واپس کرنا ہے، وزیرخزانہ نے قرض کی ادائیگی کی مدت میں ممکنہ توسیع کی تصدیق کردی۔

پاکستان اگلے 3 سال میں 3 سے 5 ارب ڈالر تک کے فنانسنگ گیپ کو پورا کرنے کیلئے پرعزم ہے جبکہ پاکستان نے چین سے پاور پلانٹس کیلئے بھی قرض میں ریلیف کی درخواست کی ہے۔

واضح رہے کہ آئی ایم ایف کے ایگزیکٹیوبورڈ کا اجلاس رواں ماہ کے آخر میں متوقع ہے، آئی ایم ایف بورڈ پاکستان کیلئے 37 ماہ پر محیط 7 ارب ڈالر کے قرض پروگرام کی حتمی منظوری دے گا۔