کراچی کو 20 گھنٹے کیلئے گیس کی فراہمی بند

کفیل احمد

12th Aug, 2024. 10:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی کو 20 گھنٹے کیلئے گیس کی فراہمی بند

کراچی کو 20 گھنٹے کے لیے گیس کی فراہمی بند ہوگئی۔

سوئی سدرن گیس کمپنی (ایس ایس جی سی) ترجمان کا کہنا ہے کہ ایس ایس جی سی کو گیس فراہم کرنے والی گمبٹ جی پی ایف فور فیڈر لائن میں لیکیج پائی گئی ہے۔

ترجمان کا کہنا ہے کہ لیکج کے باعث گیس کی فراہمی سے شہر کا بڑا حصہ متاثر ہونے کا خدشہ ہے۔ سوئی گیس کو اس وقت 38 ایم ایم سی ایف ڈی گیس کی کمی کا سامنا ہے۔

ترجمان ایس ایس جی سی کا کہنا ہے کہ پی پی ایل کی ٹیم نے پائپ لائن کی مرمت شروع کر دی ہے جو کہ اگلے 20 گھنٹے میں مکمل ہونے کا امکان ہے۔

ترجمان کا مزید کہنا ہے کہ اس دوران سندھ اور بلوچستان کے کچھ علاقوں کو گیس کے کم پریشر کا سامنا کرنا پڑے گا۔ اس سلسلے میں صارفین کو پیش آنے والی تکلیف کے لیے ادارہ معذرت خواہ ہے۔

سوئی گیس ذرائع کا کہنا ہے کہ کراچی میں لانڈھی، ملیر، بلدیہ سائٹ، اورنگی ٹاؤن، سرجانی، لیاری، یوسف گوٹھ، صدیق گوٹھ،کیماڑی، رنچھوڑ لائن، گارڈن، لیاقت آباد اور شیر شاہ کالونی سمیت متعدد علاقے متاثر ہوں گے۔