اسپیکر سے پوچھوں گا پارلیمنٹ پر حملے کا کیا مطلب ہے، عمر ایوب

ویب ڈیسک

12th Sep, 2024. 01:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسپیکر سے پوچھوں گا پارلیمنٹ پر حملے کا کیا مطلب ہے، عمر ایوب

اسلام آباد: پاکستان تحریک انصاف (پی ٹی آئی) کے رہنما عمر ایوب نے کہا ہے کہ اسپیکر قومی اسمبلی ایاز صادق سے پوچھوں گا پارلیمنٹ پر حملے کا کیا مطلب ہے۔

قومی اسمبلی میں قائد حزب اختلاف عمر ایوب نے پارلیمنٹ ہاؤس میں میڈیا سے گفتگو کرتے ہوئے کہا کہ بطور اپوزیشن لیڈر جلسے کے بعد میں آج پہلے دن سیشن میں آ رہا ہوں، میرے خلاف تین ایف آئی آر تھی۔

انہوں نے کہا کہ میں نے کل ٹرانزٹ اور پروٹیکٹکو بیل پشاور ہائی کورٹ سے لی ہے، یہ ستم ظریفی ہے کہ لیڈر آف اپوزیشن پر بھی ایف آئی آر ہوئی ہیں، پہلے جو ایف آئی آر کی درخواست دی گئی تھی اس پر ملک امتیاز کا نام لکھا تھا۔

پی ٹی آئی رہنما کا کہنا تھا کہ ملک امتیاز ایک سال پہلے پی ٹی آئی چھوڑ کر مسلم لیگ ن میں شامل ہوئے تھے، چھ ماہ پہلے وہ انتقال کر گئے تھے۔

عمر ایوب نے کہا کہ آئی جی اسلام آباد کا کہنا ہے پارلیمنٹ ہاؤس میں جو ایکشن ہوا وہ اسپیکر قومی اسمبلی کے علم میں تھے اور قانون کے مطابق ہوئے تھے۔

انہوں نے مزید کہا کہ میں آئی اسلام آباد اور اسپیکر قومی اسمبلی سے پوچھوں کا پارلیمنٹ پر حملے کا کیا مطلب ہے، اداروں کے جو سربراہ ہیں جو کہتے ہیں ہم قائدہ قانون کی پیروی کرتے ہیں میں ان سے انویسٹیگیشن کا کہتا ہوں، پارلیمنٹ پر حملے کی انویسٹیگیشن کی جائے۔