یہ دن ثابت کرتا ہے کہ ہم ایک زندہ قوم ہیں، وزیراعلیٰ سندھ

ویب ڈیسک

06th Sep, 2024. 12:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یہ دن ثابت کرتا ہے کہ ہم ایک زندہ قوم ہیں، وزیراعلیٰ سندھ

وزیراعلیٰ سندھ سید مراد علی شاہ نے کہا کہ یہ دن ثابت کرتا ہے کہ ہم ایک زندہ قوم ہیں۔

وزیراعلیٰ سندھ سید مراد علی شاہ نے یوم دفاع پاکستان کے موقع پرافواج پاکستان کی عظیم قربانیوں کو خراجِ عقیدت پیش کرتے ہوئے کہا کہ اس دن ہماری افواج نے نہ صرف بہادری سے دشمن کا مقابلہ کیا بلکہ اُسے پسپا بھی کردیا۔

مراد علی شاہ نے کہا کہ پاکستان کی دفاعی صلاحیت ناقابل تسخیر ہے، ہم اس دن کو ہر سال بڑی عقیدت و جوش سے مناتے ہیں، دشمن کا اچانک حملہ خود اس کے لیے ندامت کا سبب بنا۔

وزیراعلیٰ سندھ نے اپنے پیغام میں کہا کہ محمد محمود عالم نے ایک منٹ میں دشمن کے 5 جنگی جہاز تباہ کردیئے، اس دن ہمارے بہادرجوانوں نے ملک کی حفاظت کے ساتھ ساتھ لاکھوں محب وطن کی زندگیاں بھی محفوظ کیں۔

مراد علی شاہ نے کہا کہ ہم اپنے شہیدوں کو ہمیشہ یاد رکھتے ہیں، جنہوں ہمارے آج کے لیے اپنے کل کو قربان کیا، پاک فوج مادرِ وطن کے دفاع کی بھرپور صلاحیت رکھتی ہے۔

وزیراعلیٰ سندھ نے کہا کہ ہم اپنی پاک افواج کے شانہ بشانہ ہیں، ایک بار پھر پاکستان انتہائی نازک دور سے گزر رہا ہے، جس پر ہمیں متحد ہونے کی ضرورت ہے، پاکستان ہمیشہ قائم و دائم رہے گا۔