چینی وزیراعظم لی چیانگ کل سے 17 اکتوبر تک پاکستان کا دورہ کریں گے، ترجمان دفتر خارجہ

سلمان علی اعوان

13th Oct, 2024. 02:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

چینی وزیراعظم لی چیانگ کل سے 17 اکتوبر تک پاکستان کا دورہ کریں گے، ترجمان دفتر خارجہ
صحیح سمت کیلیے مساوی تعاون ناگزیر ہے، شہباز شریف کا ریاض میں کانفرنس سے خطاب
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی

Now Reading:

چینی وزیراعظم لی چیانگ کل سے 17 اکتوبر تک پاکستان کا دورہ کریں گے، ترجمان دفتر خارجہ

ترجمان دفترخارجہ کا کہنا ہے کہ وزیراعظم شہباز شریف کی دعوت پر چین کے وزیراعظم لی چیانگ کل سے 17 اکتوبر تک پاکستان کا دورہ کریں گے۔

ترجمان دفتر خارجہ ممتاز زہرا بلوچ کے مطابق چینی وزیراعظم کے ساتھ وزرا اور سینیئر حکام پر مشتمل وفد بھی ہوگا، چینی وزیراعظم کے وفد میں امور خارجہ، تجارت، نیشنل ڈیویلپمنٹ اینڈ ریفارم کمیشن سمیت چائنہ انٹرنیشنل ڈیویلپمنٹ کوآپریشن ایجنسی کے اہلکارشامل ہوں گے۔

دورے کے دوران وزیراعظم شہباز شریف اور چینی ہم منصب لی چیانگ معیشت تجارت اور سی پیک کے تحت تمام پہلوؤں کا جائزہ لینے کے لیے بات چیت کریں گے ، اس کے علاوہ دونوں وزرائے اعظم باہمی تعلقات کے تمام پہلوؤں کا جائزہ لینے کے لیے ہونے والی بات چیت میں اپنے اپنے وفود کی قیادت کریں گے۔

ترجمان دفتر خارجہ نے کہا کہ پاک چین وزرا اعظم اہم علاقائی وعالمی امور پر بھی گفتگو کریں گے، جبکہ چینی وزیراعظم کی صدر آصف علی زرداری، پارلیمانی لیڈرز اور سینیئر عسکری قیادت کے ساتھ ملاقاتیں ہوں گی۔

ترجمان کے مطابق چینی وزیراعظم شنگھائی تعاون تنظیم کی کونسل برائے سربراہان حکومت کے اجلاس میں بھی شرکت کریں گے، چینی وزیراعظم کا دورہ پاکستان دونوں ملکوں کی سٹریٹیجک شراکت داری کا مظہر ہے۔