پاکستان اسٹاک ایکسچینج کی ہفتہ وار رپورٹ جاری کردی گئی ہے جس کے مطابق پاکستان اسٹاک ایکسچینج میں گزشتہ کاروباری ہفتے میں تیزی کا تسلسل برقرار رہا۔
جاری کردہ رپورٹ کے مطابق 100 انڈیکس پہلی مرتبہ 85 ہزار کی تاریخ کی بلند ترین سطح پر بند ہوا، جبکہ 100 انڈیکس میں ہفتے بھر میں 1952 پوائنٹس کا اضافہ ہوا۔
کاروباری ہفتے کے اختتام پرانڈیکس 85483 پوائنٹس پر بند ہوا۔ جبکہ ایک موقع پر انڈیکس نے 86 ہزار کی تاریخی بلند ترین سطح بھی عبور کی، 100 انڈیکس کی تاریخی بلند ترین سطح 86451 پوائنٹس رہی۔
رپورٹ میں بتایا گیا کہ 100 انڈیکس کی ہفتہ وار کم ترین سطح 83303 پوائنٹس رہی، جبکہ ایک ہفتے میں مارکیٹ کیپٹلائزیشن 277 ارب روپے بڑھ گئی، مارکیٹ کیپٹلائزیشن 10 کھرب 879 ارب روپے سے بڑھ کر 11 کھرب 158 ارب روپے ہوگئی۔
گزشتہ ہفتے آئی پی پیز معاہدوں کی قبل ازوقت منسوخی کا معاملہ سرگرم رہا، جبکہ آئی پی پیز کے معاملے کے سبب پاور سیکٹر میں سیلنگ پریشر دیکھا گیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
