اسلام آباد میں مزید 2 ماہ کے لئے دفعہ 144 نافذ

ویب ڈیسک

19th Nov, 2024. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد میں مزید 2 ماہ کے لئے دفعہ 144 نافذ

اسلام آباد: وفاقی دارالحکومت میں مزید 2 ماہ کے لئے دفعہ 144 نافذ کردی گئی۔

ڈسٹرکٹ مجسٹریٹ نے وفاقی دارالحکومت اسلام آباد میں 10 سرگرمیوں پر پابندی کے حکمنامے جاری کردیے ہیں۔

ضلعی حدود بشمول ریڈ زون 5 یا زائد افراد کے اجتماع پر پابندی عائد کردی گئی ہے، اسلام آباد بھر میں اسلحہ کی نمائش اور ساتھ لے کر چلنے پر پابندی ہوگی۔

علاوہ ازیں لاؤڈ اسپیکر، ایمپلیفائر اور ساؤنڈ سسٹم کے استعمال پر بھی پابندی عائد کی گئی ہے، ہینڈ بلز، پمفلٹس کی تقسیم، پوسٹر لگانے اور وال چاکنگ پر پابندی ہوگی۔

مذہبی منافرت اور نفرت انگیز تقاریر ساؤنڈ سسٹم پرچلانا بھی ممنوع قرار دیا گیا ہے جب کہ آتشبازی کے سامان کی فروخت، ذخیرہ کرنے اور استعمال پر بھی پابندی ہوگی۔

پیٹرول پمپس کے علاوہ پیٹرول کی فروخت پر بھی مکمل پابندی عائد ہوگی جب کہ باردوی مواد کے ذریعے پہاڑی پتھر توڑنے اور کرشنگ پر بھی پابندی عائد کی گئی ہے۔