سیکیورٹی فورسز کے خیبرپختونخوا میں 2 آپریشن؛ 8 خوارج جہنم واصل

ویب ڈیسک

05th Dec, 2024. 08:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکیورٹی فورسز کے خیبرپختونخوا میں 2 آپریشن؛ 8 خوارج جہنم واصل

راولپنڈی: سیکیورٹی فورسز نے خیبرپختونخوا میں 2 آپریشن کرتے ہوئے 8 خوارج کو جہنم واصل کردیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خیبرپختونخوا میں 2 آپریشن کیے جس دوران 8 خوارج جہنم واصل کردیے گئے۔

آئی ایس پی آر کا کہنا ہے کہ جنوبی وزیرستان کے علاقے سراروغہ میں انٹیلی جنس کی بنیاد پر آپریشن کیا گیا جب کہ آپریشن میں خوارج کے سرغنہ خان محمد کھورے سمیت 2 خوارج کو ہلاک کیا گیا۔

آئی ایس پی آر نے بتایا کہ سیکیورٹی فورسز نے آپریشن کے دوران 2 خوارج کو گرفتار بھی کیا، خارجیوں کا سرغنہ خان محمد کھورے ٹارگٹ کلنگ اور بھتہ خوری میں بھی ملوث تھا۔

ترجمان پاک فوج کا کہنا تھا کہ خارجیوں کا سرغنہ خان محمد عرف کھورے قانون نافذ کرنے والے اداروں کو مطلوب تھا، ہلاک دہشت گرد سرغنہ کے سر کی قیمت 10 لاکھ روپے مقرر تھی۔

آئی ایس پی آر نے مزید بتایا کہ دوسرا انٹیلی جنس بیسڈ آپریشن سیکیورٹی فورسز نے لکی مروت میں کیا جس دوران سیکیورٹی فورسز کے ساتھ جھڑپ میں 6 خارجی دہشت گرد ہلاک ہوئے۔

ترجمان پاک فوج نے یہ بھی بتایا کہ علاقے میں دہشت گردوں کے خلاف کلیئرنس آپریشن جاری ہے، فورسز ملک سے دہشت گردی کی لعنت کے خاتمے کے لیے پُرعزم ہیں۔