ایلون مسک اسلاموفوبیا کی مہم چلا رہے ہیں، حافظ نعیم الرحمن

ویب ڈیسک

13th Jan, 2025. 11:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایلون مسک اسلاموفوبیا کی مہم چلا رہے ہیں، حافظ نعیم الرحمن

امیر جماعت اسلامی حافظ نعیم الرحمن نے سوشل میڈیا پلیٹ فارم ایکس پر اظہار خیال کرتے ہوئے کہا ہے کہ ایلون مسک مسلسل اسلاموفوبیا پر مبنی مہم چلا رہے ہیں، جس میں دیگر ممالک کے افراد بھی شامل ہیں۔

ان کا کہنا تھا کہ یہ مخصوص گروہ اپنے مذموم مقاصد کو صرف اور صرف پاکستان اور اسلام سے جوڑ رہا ہے، جو ایک نسل پرستانہ ذہنیت کی عکاسی کرتا ہے۔

حافظ نعیم الرحمن نے مزید کہا کہ ایلون مسک، نو منتخب امریکی صدر ڈونلڈ ٹرمپ کے ساتھ مل کر کھڑے ہیں، جبکہ صدر ٹرمپ غزہ کو جہنم میں تبدیل کرنے کی دھمکیاں دے رہے ہیں اور اسرائیل کی دہشت گردی کی کھل کر حمایت کر رہے ہیں۔

امیر جماعت اسلامی نے اسرائیل کی جانب سے فلسطینیوں پر ہونے والے مظالم کو نسل کشی قرار دیتے ہوئے کہا کہ یہ منافقانہ رویہ اور تضاد دراصل سوشل میڈیا پر اسلام کے خلاف نفرت پھیلانے کی منظم مہم کا حصہ ہے۔

حافظ نعیم الرحمن نے برطانوی حکومت سے مطالبہ کیا کہ وہ اس نفرت انگیز مہم کو روکنے کے لیے فوری طور پر مؤثر اقدامات کرے۔

ان کے مطابق، عالمی سطح پر اسلاموفوبیا کے خلاف کارروائی نہ کرنا شدت پسندی کو فروغ دینے کے مترادف ہوگا۔