میر علی میں جام شہادت نوش کرنے والے میجر کی نماز جنازہ ادا؛ وزیر اعظم کی شرکت

سلمان علی اعوان

30th Jan, 2025. 05:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

میر علی میں جام شہادت نوش کرنے والے میجر کی نماز جنازہ ادا؛ وزیر اعظم کی شرکت
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق

Now Reading:

میر علی میں جام شہادت نوش کرنے والے میجر کی نماز جنازہ ادا؛ وزیر اعظم کی شرکت

راولپنڈی: میر علی میں شہید ہونے والے میجر حمزہ اسرار کی نماز جنازہ چکلالہ چھاؤنی میں ادا کردی گئی۔

پاک فوج کے شعبہ تعلقات عامہ (آئی ایس پی آر) کے مطابق میر علی میں شہید ہونے والے میجر حمزہ اسرار کی نماز جنازہ چکلالہ چھاؤنی راولپنڈی میں ادا کی گئی ہے۔

آئی ایس پی آر کا کہنا ہے کہ میجر حمزہ اسرار نے مادر وطن کا بے جگری سے دفاع کرتے ہوئے جام شہادت نوش کیا تھا جب کہ شہید کی نماز جنازہ میں وزیراعظم شہباز شریف نے بھی شرکت کی۔

ترجمان پاک فوج نے بتایا کہ نائب وزیراعظم اسحاق ڈار، وفاقی وزیر اطلاعات عطا تارڑ اور چیف آف آرمی اسٹاف جنرل سید عاصم منیر بھی نماز جنازہ میں شریک ہوئے۔

پاک فوج کے شعبہ تعلقات عامہ نے کہا کہ پاک فوج کے سینئر حاضر سروس اور ریٹائرڈ افسروں کے ساتھ سپاہیوں اور شہید کے اہل خانہ نے بھی نماز جنازہ میں شرکت کی۔

اس موقع پر وزیراعظم شہباز شریف نے پاکستان کے بہادر شہداء کو زبردست خراج عقیدت پیش کرتے ہوئے دہشت گردی کے خاتمے کے لیے قوم کے غیر متزلزل عزم کا اعادہ۔

وزیراعظم نے کہا کہ ایسی عظیم قربانیاں قوم کے عزم کو تقویت دیتی ہیں، بہادر شہداء کی قربانیاں آنے والی نسلوں کے لیے محفوظ اور پرامن پاکستان کو یقینی بنانے کے اجتماعی یقین کو مزید مضبوط کرتی ہیں۔