نوازشریف کے اقدامات کے باعث دنیا بھر سے سرمایہ کارپاکستان آئے، احسن اقبال

ویب ڈیسک

26th Jan, 2025. 04:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوازشریف کے اقدامات کے باعث دنیا بھر سے سرمایہ کارپاکستان آئے، احسن اقبال

وفاقی وزیرمنصوبہ بندی احسن اقبال نے کہا کہ نوازشریف کے اقدامات کے باعث دنیا بھر سے سرمایہ کارپاکستان آئے۔

وفاقی وزیر منصوبہ بندی احسن اقبال نے نارووال میں تقریب سے خطاب کرتے ہوئے کہا کہ مسلم لیگ ن کی حکومت نے ملک سے اندھیروں کا خاتمہ کیا، نوازشریف نے قوم سے لوڈشیڈنگ ختم کرنےکا وعدہ نبھایا۔

احسن اقبال نے کہا کہ نوازشریف نے ملک کوترقی کی راہ پر گامزن کیا، 11ہزارمیگاواٹ بجلی پیدا کرکے لوڈشیڈنگ کا خاتمہ کیا۔

انہوں نے یہ بھی کہا کہ 25 ارب ڈالرکی سرمایہ کاری سے سی پیک کا آغاز کیا، 2018 میں سازش کے تحت نوازشریف کوحکومت سے ہٹایا گیا۔

احسن اقبال نے کہا کہ ملک پرنالائق اور ناتجربہ کارشخص کومسلط کیاگیا، آرٹی ایس سسٹم بٹھا کردھاندلی سے اناڑی کواقتداردلوایاگیا۔

ان کا یہ بھی کہنا تھا کہ پی ٹی آئی اپنے دورکا کوئی ایک منصوبہ عوام کےسامنے رکھے، سیلانی کے لنگرخانوں پربانی پی ٹی آئی نےاپنی مہرلگائی۔

احسن اقبال نے کہا کہ پاکستان کے خلاف لندن، امریکہ میں پی ٹی آئی نے شرمناک مظاہرے کیے، رسیدیں مانگنے والا بانی پی ٹی آئی اپنی رسیدوں سے بھاگ رہاہے، بانی پی ٹی آئی نےقوم کے 64 ارب روپے پر ڈاکا ڈالا۔