جوڈیشنل کمیشن سے متعلق کوئی فیصلہ نہیں کیا گیا، سینیٹر عرفان صدیقی

ویب ڈیسک

23rd Jan, 2025. 06:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

جوڈیشنل کمیشن سے متعلق کوئی فیصلہ نہیں کیا گیا، سینیٹر عرفان صدیقی
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

جوڈیشنل کمیشن سے متعلق کوئی فیصلہ نہیں کیا گیا، سینیٹر عرفان صدیقی

ن لیگ کے رہنما سینیٹر عرفان صدیقی نے اسلام آباد میں میڈیا سے گفتگو کرتے ہوئے کہا کہ جوڈیشنل کمیشن سے متعلق کوئی فیصلہ نہیں کیا گیا۔

سینیٹر عرفان صدیقی نے میڈیا کو بتایا کہ پی ٹی آئی نے مذاکرات سے انکار کیا ہے، مذاکراتی کمیٹی میں 7 جماعتوں کی نمائندگی ہے.

انہوں نے کہا کہ اپوزیشن نے اپنے تحریری مطالبات دینے میں 42 روز لگائے، اپوزیشن نے ہم سے 7 روز میں جوڈیشل کمیشن کے قیام کا مطالبہ کیا ہے۔

اپوزیشن کے مطالبات پر سنجیدگی سے مشاورت کی گئی، مذاکرات ختم کرنے کا اعلان افسوسناک ہے۔

ان کا کہنا تھا کہ اسپیکر قومی اسمبلی کو کمیٹی اجلاس کیلئے 28 جنوری کی تاریخ دے دی گئی تھی، سیاست میں مذاکرات جمہوری عمل کا حصہ ہوتے ہیں۔

ن لیگی رہنما کے مطابق ہم نے صبروتحمل سے مذاکرات کے عمل کو آگے بڑھایا ہے، پی ٹی آئی نے مذاکرات کیلئے آنے اور جانے میں بیتابی کا مظاہرہ کیا۔

بانی پی ٹی آئی کے ٹوئٹس کے باوجود ہم نے مذاکرات جاری رکھے، پی ٹی آئی سے اپیل ہے کہ مذاکرات کا راستہ نہ چھوڑیں۔

ہماری کمیٹی آج بھی قائم ہے، مزید مشاورت کا سلسلہ جاری رہے گا، پی ٹی آئی کو کسی چیز پر اعتراض ہے تو وہ تحریری شکل میں پیش کر دے۔

سینیٹر عرفان صدیقی کا مزید کہنا تھا کہ صحافیوں کے حقوق کیلئے پہلے بھی آوازاٹھائی آئندہ بھی اٹھائیں گے، حکومت اظہار رائے کی آزادی پر مکمل یقین رکھتی ہے۔