ترجمان بلاول ہاؤس کا خالد مقبول صدیقی کو کرارا جواب

ویب ڈیسک

30th Jan, 2025. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترجمان بلاول ہاؤس کا خالد مقبول صدیقی کو کرارا جواب

کراچی: ترجمان بلاول ہاؤَس سریندر ولاسائی نے ایم کیو ایم کے چیئرمین ڈاکٹر خالد مقبول صدیقی کو کرارا جواب دے دیا۔

ترجمان بلاول ہاؤَس کے مطابق چیئرمین بلاول بھٹو زرداری کی بڑھتی مقبولیت کو دیکھ کر ڈاکٹر خالد مقبول جیسے کاغذی سیاستدان ذہنی توازن کھو بیٹھے ہیں۔

ترجمان بلاول ہاؤَس نے کہا کہ خالد مقبول اینڈ کمپنی کی آج کی پریس کانفرنس مایوس سیاسی یتیموں کی محفلِ غم تھی، چیئرمین بلاول بھٹو زرداری کی تاجروں کو بھتہ خوروں سے تحفظ کی ضمانت نے ایم کیو ایم کی نیندیں اڑا دی ہیں۔

ترجمان کا کہنا تھا کہ خالد مقبول اینڈ کمپنی ٹی وی اسکرین پر نمودار ہوں تو عوام کو بوری بند لاشوں کا دور یاد آجاتا ہے جب کہ ایم کیو ایم نے کراچی کو سانحہ 12 مئی، سانحہ بلدیہ ٹاوَن، چائنا کٹنگ اور ٹارگٹ کلنگ کے سوا کیا دیا۔

سریندر ولاسائی کہتے ہیں کہ کراچی کی عوام نے ایم کیو ایم کی نفرت، تقسیم اور دہشت گردی کی سیاست کو ہمیشہ کے لیے دفن کردیا، بلاول بھٹو زرداری کے ویژن نے کراچی میں امن بحال کیا اور ترقی کے راستے کھول دیے۔

ترجمان کا مزید کہنا تھا کہ آج تاجروں سمیت کراچی کی عوام چیئرمین بلاول بھٹو زرادری کے ساتھ کھڑے ہیں، چیئرمین آج کراچی سمیت ملک بھر کی سیاست کا محور و مرکز ہیں۔