صدر سپریم کورٹ بار میاں رؤف عطا کی چیف جسٹس یحیی آفریدی سے ملاقات

ویب ڈیسک

08th Feb, 2025. 08:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر سپریم کورٹ بار میاں رؤف عطا کی چیف جسٹس یحیی آفریدی سے ملاقات

صدر سپریم کورٹ بار میاں رؤف عطا نے چیف جسٹس پاکستان یحیی آفریدی اور چیف جسٹس اسلام آباد ہائی کورٹ عامر فاروق سے ملاقاتیں کیں، جن میں عدلیہ کی مجموعی کارکردگی اور مختلف امور پر تفصیل سے تبادلہ خیال کیا گیا۔

ملاقاتوں میں بلوچستان ہائی کورٹ بار کے صدر میر عطا اللہ لانگو بھی موجود تھے۔ میاں رؤف عطا نے چیف جسٹس پاکستان کے عدلیہ کے لیے اٹھائے گئے اقدامات کو سراہا اور جوڈیشل کمیشن کے چیئرمین کے طور پر ان کے کردار کو بھی قابلِ تحسین قرار دیا۔

انہوں نے کہا کہ جوڈیشل کمیشن کی جانب سے حالیہ تقرریاں وقت کی اہم ضرورت تھیں۔

صدر سپریم کورٹ بار نے اسلام آباد ہائی کورٹ میں حالیہ ججز کی تعیناتیوں کو بھی سراہا اور کہا کہ نئے ججز انصاف کی بروقت اور مؤثر فراہمی میں معاون ثابت ہوں گے۔

میاں رؤف عطا نے مزید کہا کہ ان تقرریوں سے عام شہریوں کو درپیش مسائل میں کمی آئے گی اور عدلیہ کی کارکردگی میں مزید بہتری آئے گی۔