گوگل والٹ کی سہولت  اب پاکستان میں بھی دستیاب ہے۔

گوگل کے مطابق گوگل والٹ صارفین کو ایک محفوظ، آسان اور مفید ادائیگی کا تجربہ فراہم کرتا ہے، اور ڈیجیٹل اشیاء مثلاً لائلٹی کارڈز اور بورڈنگ پاسز کے لیے ایک ذریعے کا کام  کرتا ہے، اس سہولت سے فائدہ اٹھانے کے لیے آج ہی گوگل پلے اسٹور سے گوگل والٹ ڈاؤن لوڈ کیجیے۔

گوگل میں پاکستان کے کنٹری ڈائریکٹر، فرحان قریشی نے کہا کہ پاکستان میں ڈیجیٹل ادائیگیوں کا شعبہ تیزی سے ترقی کر رہا ہے، جیسے جیسے مزید لوگ ڈیجیٹل لین دین کو اپنا رہے ہیں۔

فرحان قریشی نے کہا کہ گوگل والٹ ایک محفوظ، آسان اور مؤثر طریقہ فراہم کرتا ہے، جس سے صارفین ادائیگیاں کر سکتے ہیں، خریداری کر سکتے ہیں اور سفر کو مزید آسان بنا سکتے ہیں۔

فرحان قریشی  نے یہ بھی کہا کہ گوگل والٹ پاکستانی صارفین اسٹورز میں ٹیپ اینڈ پے، آن لائن شاپنگ اور سفر کے دوران اپنے بورڈنگ پاس تک فوری رسائی حاصل کر سکیں گے، جبکہ گوگل والٹ تمام ضروری معلومات کو ایک محفوظ مقام پر رکھنے میں مدد فراہم کرتا ہے، یہ اقدام پاکستان میں مالی شمولیت کو فروغ دینے اور معاشی مواقع کھولنے میں مدد دے گا۔

 فرحان قریشی نے مزید یہ بھی کہا کہ یہ سنگ میل گوگل کے پاکستان کے ساتھ غیر متزلزل عزم کو مزید مستحکم کرتا ہے اور ملک کے ڈیجیٹل مستقبل پر ہمارے یقین کو ظاہر کرتا ہے،  صارفین اپنے گوگل ولٹ میں بورڈنگ پاسز، بس، ٹرین اور ایونٹ ٹکٹ جیسی ڈیجیٹل اشیاء شامل کرنا شروع کرسکتے ہیں۔

بینک الفلاح، بینک آف پنجاب، فیصل بینک نور، ایچ بی ایل، جاز کیش، میزان بینک اور یو بی ایل کے کارڈ ہولڈرز اپنے کارڈز گوگل والٹ میں شامل کرسکیں گے، جبکہ الائیڈ بینک، ایزی پیسہ ڈیجیٹل بینک، جے ایس بینک اور زین ڈیجیٹل پر بھی سہولت  جلد دستیاب ہوگی۔

مسافر اپنے باٹک ایئر اور تھائی ایئرویز کے بورڈنگ پاسز کے ساتھ ساتھ  Bookme.pk اور Sastaticket.pk کے ذریعے بک کرائے گئے ٹکٹس اور ناہید لائلٹی کارڈز کو گوگل والٹ میں شامل کرسکتے ہیں۔