پاکستان سے پولیو وائرس کے مکمل خاتمے کیلئے پُرعزم ہیں، مصطفیٰ کمال

ویب ڈیسک

13th Apr, 2025. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان سے پولیو وائرس کے مکمل خاتمے کیلئے پُرعزم ہیں، مصطفیٰ کمال

کراچی: وفاقی وزیر صحت مصطفیٰ کمال نے کہا ہے کہ پاکستان سے پولیو وائرس کے مکمل خاتمے کے لیے پُرعزم ہیں۔

وزیر صحت مصطفیٰ کمال نے میڈیا سے گفتگو کرتے ہوئے کہا کہ ملک میں 21 اپریل سے انسداد پولیو مہم شروع ہورہی ہے، پولیو کے خاتمے کے لیے ہر طبقے کو اپنا کردار ادا کرنا ہوگا، احتیاطی تدابیر سے بیماری کو روکا جاسکتا ہے۔

انہوں نے کہا کہ پاکستان، افغانستان کے علاوہ تمام ملکوں سے پولیو ختم ہوچکا، پولیوسے بچاؤ ویکسین سے ہی ممکن ہے، ایک بار پولیو ہوجانے کے بعد اس مرض کا علاج ممکن نہیں۔

وزیر صحت کا کہنا ہے کہ آئندہ دنوں میں انسداد پولیو مہم کا آغاز ہونے جارہا ہے، ہم سب نے مل کر انسداد پولیو مہم کو سو فیصد کامیاب بنانا ہے۔

مصطفیٰ کمال نے مزید کہا کہ پولیو ویکسین کا کوئی نقصان نہیں، ملک میں 44 ہزار والدین نے انسداد پولیو کے قطرے پلانے سے انکار کیا، جن میں سے 34 ہزار والدین کا تعلق کراچی سے ہے، بچوں کو پولیو سے بچاؤ کی ویکسین نہ پلانے والے والدین مجرم ہیں۔