بھارت کی جانب سے لائن آف کنٹرول پر بلا اشتعال فائرنگ؛ پاک فوج کا منہ توڑ جواب

ویب ڈیسک

30th Apr, 2025. 04:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

بھارت کی جانب سے لائن آف کنٹرول پر بلا اشتعال فائرنگ؛ پاک فوج کا منہ توڑ جواب
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق

Now Reading:

بھارت کی جانب سے لائن آف کنٹرول پر بلا اشتعال فائرنگ؛ پاک فوج کا منہ توڑ جواب

بھارت کی جانب سے لائن آف کنٹرول پر سیز فائر کی خلاف ورزی کرتے ہوئے بلا اشتعال فائرنگ کی گئی جس کا پاک فوج نے منہ توڑ جواب دے دیا۔

سیکیورٹی ذرائع کے مطابق 29 اور 30 اپریل کی درمیانی شب بھارت نے لائن آف کنٹرول پر سیز فائر کی خلاف ورزی کی اور لائن آف کنٹرول کے کیانی اور منڈل سکیٹر میں بلااشتعال فائرنگ کی گئی۔

سکیورٹی ذرائع نے بتایا کہ بھارت کی جانب سے بلااشتعال فائرنگ میں چھوٹے ہتھیاروں کا استعمال کیا گیا جب کہ پاک فوج نے بھرپور جوابی کارروائی کرتے ہوئے بھارتی فوج کو منہ توڑ جواب دیا۔

یہ بھی پڑھیں: پاک فضائیہ نے بھارتی رافیل طیاروں کو بھاگنے پر مجبور کردیا

ذرائع کا کہنا ہے کہ موثر جواب سے دشمن کو خاموش کروا دیا گیا، پاکستان فوج کے موثر جواب سے دشمن کے متعدد مورچے تباہ ہونے کی بھی اطلاعات ہیں۔

ذرائع نے یہ بھی بتایا کہ مقبوضہ کشمیر میں واقعہ لائن آف کنٹرول پر بھارتی چکپترا پوسٹ کو تباہ کردیا گیا، اس سے قبل بھارت نے مقبوضہ کشمیر کے سرحدی علاقوں کو بھی خالی کروالیا ہے اور مسلمانوں کے خلاف کریک ڈاؤن جاری ہے۔

سکیورٹی ذرائع کا مزید کہنا تھا کہ بھارت کی طرف سے یہ اشتعال انگیزی اس کے جنگی جنون کی حماز ہے تاہم پاک فوج ملکی سالمیت کے دفاع کیلئے ہمہ وقت تیار ہے۔