آپریشن ’’بنیان مرصوص‘‘ کی کامیابی؛ وزیراعظم کا آج یوم تشکر منانے کا اعلان

فہد چوہدری

11th May, 2025. 09:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

آپریشن ’’بنیان مرصوص‘‘ کی کامیابی؛ وزیراعظم کا آج یوم تشکر منانے کا اعلان
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق

Now Reading:

آپریشن ’’بنیان مرصوص‘‘ کی کامیابی؛ وزیراعظم کا آج یوم تشکر منانے کا اعلان

ہم پرامن قوم ہیں، مگر کسی بھی جارحیت کا جواب دینا جانتے ہیں، وزیراعظم

اسلام آباد: وزیراعظم محمد شہبا شریف نے بھارتی جارحیت کا منہ توڑ جواب دینے اور آپریشن بنیان المرصوص کی کامیابی پر اج بروز اتوار ملک بھر میں یومِ تشکر منانے کا اعلان کیا ہے۔

یہ دن اللہ رب العزت کے حضور سجدہ شکر بجا لانے، افواج پاکستان کی بے مثال بہادری کو خراج تحسین پیش کرنے اور پوری قوم کے حوصلے اور وحدت کو سراہنے کے لیے منایا جائے گا۔

وزیراعظم نے اپنے جاری کردہ بیان میں کہا کہ آپریشن بنیان المرصوص نے دشمن کی جارحیت کو مؤثر اور بھرپور جواب دیا اور پاکستان نے ہر محاذ پر برتری ثابت کی، ہم اس کامیابی پر اللہ تعالیٰ کے شکر گزار ہیں، جس نے ہمیں سرخرو فرمایا۔

شہبا شریف کا کہنا تھا کہ دشمن کی جارحیت کے باوجود پاکستان نے صبر و تحمل لیکن مکمل تیاری کے ساتھ اپنے دفاع کو یقینی بنایا۔

مزید پڑھیں: پاکستان کی بڑی کامیابی، بھارت گھٹنے ٹیکنے پر مجبور، سیز فائر پر اتفاق

انہوں نے کہا کہ قوم بالخصوص علماء کرام کل پورے ملک میں اجتماعی دعاﺅں اور نوافل کا اہتمام کریں، اللہ تعالیٰ کا شکر ادا کریں اور شہداء و غازیوں کے لیے خصوصی دعائیں کریں۔

وزیراعظم نے مزید کہا کہ افواج پاکستان کی قربانیوں کو کبھی فراموش نہیں کیا جا سکتا، قوم ان کے شانہ بشانہ کھڑی ہے۔