پاک فوج کا دشمن کو منہ توڑ جواب، 77 بھارتی ڈرونز تباہ

سلمان علی اعوان

09th May, 2025. 02:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فوج کا دشمن کو منہ توڑ جواب، 77 بھارتی ڈرونز تباہ

پاک فضائیہ کے ہاتھوں بدترین شکست کے بعد بھارتی فوج کو اب ڈرون حملوں میں بھی منہ کی کھانی پڑ رہی ہے۔

پاک فوج نے اب تک دشمن کی جانب سے پاکستانی حدود میں بھیجے جانے والے 77 ڈرونز کو تباہ کردیا ہے۔

سیکیورٹی ذرائع کے مطابق افواج پاکستان نے 8 مئی کی شام تک 29 بھارتی ڈرونز کو مار گرایاتھا جبکہ کل رات سے آج دن تک مزید 48 ڈرونز تباہ کر دیےگئے ہیں۔

سیکیورٹی ذرائع کے مطابق پاک فوج دشمن کی جارحیت کامنہ توڑ جواب دے رہی ہے۔

یہ بھی پڑھیں: بھارت کے اسرائیلی ساختہ ڈرون حملے ناکام، پاک فوج نے مزید 6 ڈرونز مار گرائے

اس سے قبل ڈی جی آئی ایس پی آر کا کہنا تھا کہ تمام ڈرونز کو مسلسل ریڈار پر مانیٹر کیا گیا اور ہمارے ایئر ڈیفنس سسٹم میں اتنی صلاحیت ہے کہ وہ چھوٹے اور تیز رفتار ڈرونز کو بھی ٹریک اور نیوٹرلائز کر سکتا ہے۔

ان کا یہ بھی کہنا تھا کہ شہری علاقوں اور کمرشل پروازوں کی موجودگی میں ڈرون کو نشانہ بنانے کے لیے ایک مکمل اور محتاط آپریشنل طریقہ کار اختیار کیا جاتا ہے۔

دفاعی ماہرین کے مطابق حالیہ حملے پاکستان کے دفاعی نظام کی مضبوطی کا منہ بولتا ثبوت ہیں، “ہروپ” جیسے جدید ڈرونز کی کامیاب ٹریکنگ اس بات کی غمازی کرتی ہے کہ پاکستان کا ایئر ڈیفنس سسٹم ہر قسم کے چیلنج کا مؤثر انداز میں مقابلہ کرنے کی صلاحیت رکھتا ہے۔