پاکستان اور برطانیہ کا دیرپا علاقائی امن کیلئے تعاون جاری رکھنے پر اتفاق

ویب ڈیسک

11th Jun, 2025. 10:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پاکستان اور برطانیہ کا دیرپا علاقائی امن کیلئے تعاون جاری رکھنے پر اتفاق
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

پاکستان اور برطانیہ کا دیرپا علاقائی امن کیلئے تعاون جاری رکھنے پر اتفاق

برطانیہ کا پاکستان کے سیلاب متاثرین کیلئے امداد کا اعلان

پاکستان اور برطانیہ کے درمیان دیرپا علاقائی امن کے لیے تعاون جاری رکھنے پر اتفاق ہوگیا ہے۔

لندن میں پاکستانی ہائی کمیشن نے برطانوی دفتر خارجہ (FCDO) کے وفد کے اعزاز میں ایک پروقار ظہرانے کا اہتمام کیا، جس کی قیادت سابق برطانوی ہائی کمشنر کرسچن ٹرنر نے کی۔

اس موقع پر دونوں ممالک کے اعلیٰ حکام کے درمیان مسئلہ کشمیر، جنوبی ایشیا میں امن و استحکام، اور باہمی سفارتی تعاون جیسے اہم امور پر تفصیلی تبادلہ خیال کیا گیا۔

پاکستانی نمائندوں نے مسئلہ کشمیر کو برصغیر کی تقسیم کا نامکمل ایجنڈا قرار دیتے ہوئے اس کے پُرامن حل کی ضرورت پر زور دیا اور سفارت کاری، مذاکرات اور خطے میں کشیدگی کے خاتمے کی اہمیت کو بھی اجاگر کیا۔

مزید پڑھیں: بلاول کا دورہ امریکا مکمل، برطانیہ پہنچ گئے، مصروفیات کیا ہونگی؟

پاکستانی وفد نے برطانیہ کے تعمیری اور مثبت کردار کو سراہتے ہوئے، مسئلہ کشمیر کے حل کے لیے اس کے مؤثر کردار کی حوصلہ افزائی کی۔

دونوں ممالک نے خطے میں دیرپا امن کے قیام اور دوطرفہ تعاون کو فروغ دینے کے عزم کا اعادہ کیا۔

ظہرانے کے اختتام پر اس بات پر اتفاق کیا گیا کہ پاکستان اور برطانیہ کے درمیان تعلقات کو مزید مضبوط بنانے کے لیے باہمی روابط کو وسعت دی جائے گی، تاکہ عالمی اور علاقائی سطح پر امن و استحکام کے اہداف حاصل کیے جا سکیں۔

یاد رہے کہ کرسچن ٹرنر حال ہی میں اقوام متحدہ میں برطانیہ کے مستقل مندوب کے طور پر نامزد کیے گئے ہیں۔