خیبرپختونخوا: سینیٹ کی 11 نشستوں پر پولنگ جاری، 22 امیدوار آمنے سامنے

ویب ڈیسک

21st Jul, 2025. 11:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

خیبرپختونخوا: سینیٹ کی 11 نشستوں پر پولنگ جاری، 22 امیدوار آمنے سامنے
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق

Now Reading:

خیبرپختونخوا: سینیٹ کی 11 نشستوں پر پولنگ جاری، 22 امیدوار آمنے سامنے

پشاور: خیبرپختونخوا میں سینیٹ کی 11 نشستوں پر انتخابات کے لیے پولنگ کا عمل جرگہ ہال میں شروع ہو گیا ہے، جہاں مختلف جماعتوں کے امیدواروں کے درمیان سخت مقابلہ جاری ہے۔

سینیٹ انتخابات میں 7 جنرل، 2 خواتین، اور 2 ٹیکنوکریٹس کی نشستوں پر مجموعی طور پر 22 امیدوار میدان میں ہیں۔

جنرل نشستوں کے لیے 14 امیدوار میدان میں موجود ہیں، جن میں پاکستان تحریک انصاف (پی ٹی آئی) کے مراد سعید، مرزا آفریدی، فیصل جاوید اور نورالحق قادری شامل ہیں۔

جمعیت علمائے اسلام (ف) کی جانب سے عطاالحق جبکہ پاکستان پیپلز پارٹی نے طلحہ محمود کو امیدوار نامزد کیا ہے۔ اس کے علاوہ مسلم لیگ (ن) نے امیر مقام کے بیٹے نیاز محمد کو جنرل نشست کا ٹکٹ دیا ہے۔

مزید پڑھیں: خیبرپختونخوا سینیٹ انتخابات کیلئے ناراض امیدواروں کا بڑا اعلان

خواتین کی دو نشستوں کے لیے تین امیدواران مدمقابل ہیں، پیپلز پارٹی کی روبینہ خالد، پی ٹی آئی کی روبینہ ناز اور مہوش علی خان آزاد حیثیت سے انتخاب لڑ رہی ہیں جبکہ ٹیکنوکریٹس کی دو نشستوں پر پانچ امیدواروں کے درمیان مقابلہ ہے۔

ذرائع کے مطابق پی ٹی آئی کے چار ناراض اراکین کو منانے میں پارٹی کامیاب ہو گئی ہے، جس سے انتخابی حکمتِ عملی پر اثر پڑ سکتا ہے۔

پولنگ کا عمل پُرامن طریقے سے جاری ہے اور نتائج کا اعلان پولنگ مکمل ہونے کے بعد کیا جائے گا۔