کراچی کے علاقے لیاری بغدادی میں رہائشی عمارت منہدم ہونے کی ابتدائی رپورٹ تیارکرلی گئی ہے۔

یہ ابتدائی رپورٹ ریسکیو 1122 کی جانب سے مرتب کی گئی ہے۔

جاری کردہ رپورٹ کے مطابق عمارت منہدم ہونے کی اطلاع صبح 10:53 پر سینٹرل کمانڈ اینڈ کنٹرول  کو موصول ہوئی۔

رپورٹ میں کہا گیا کہ اطلاع ملتے ہی ریسکیو 1122 کی اربن سرچ اینڈ ریسکیو ٹیم بمع ڈزازسٹر رسپانس وہیکل جائے وقوعہ پر پہنچ گئی، جبکہ مجموعی طور پر ریسکیو 1122 کی 5 ڈزازسٹر رسپانس وہیکل، 2 سنارکل اور متعدد  ایمبولینس جائے وقوعہ پر موجود ہے۔

یہ بھی پڑھیں: لیاری میں پانچ منزلہ رہائشی عمارت منہدم، 7 افراد جاں بحق، متعدد زخمی

رپورٹ میں بتایا گیا کہ متعلقہ اداروں سے رابطہ قائم کرکے کرینز اور لفٹر جائے وقوعہ پر پہنچا دیے گئے ہیں، جبکہ ریسکیو 1122 کے100 سے زائد اہلکار جائے وقوعہ پر موجود ہیں

رپورٹ کے مطابق لوگوں کے ہجوم، جگہ جگہ راستے بلاک اور نیٹ ورک کے باعث ریسکیو آپریشن میں مشکلات کا سامنا ہے، اب تک 7 افراد جاں بحق اور 8 زخمیوں کو ریسکیو کرلیا گیا ہے۔

ریسکیو 1122 کی ایمبولینس میں زخمیوں کو ابتدائی طبی امداد بھی فراہم کی جارہی ہے، جبکہ ملبے سے مز ید افراد نکالنے کا عمل تاحال جاری ہے۔

ریسکیو 1122 کے مطابق کلیئر ہونے تک کاروائی جاری رکھی جائے گی، ٹیم تمام ممکنہ وسائل کو بروئے کار لا کر  صورتحال پر قابو پانے کی مکمل کوشش کر رہی ہے۔