حکومت ملک میں انشورنس سیکٹر کو فروغ دینے کیلئے اقدامات کرے، ای او بی

عمر حیات خان

01st Aug, 2025. 01:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت ملک میں انشورنس سیکٹر کو فروغ دینے کیلئے اقدامات کرے، ای او بی

ایشیائی ترقیاتی بینک نے پاکستان میں انشورنس سیکٹر اصلاحات کی تجویز دیتے ہوئے کہا کہ حکومت ملک میں انشورنس سیکٹر کو فروغ دینے کےلیے اقدامات کرے۔

ایشیائی ترقیاتی بینک کی جانب سے جاری رپورٹ میں کہا گیا کہ انشورنس قدرتی حادثات میں مالی تحفظ میں اہم کردار ادا کر سکتی ہے، جبکہ نجی شعبے میں انشورنس کا کردار نہایت محدود ہے، پاکستان میں نجی منصوبوں میں انشورنس رسک فنانسنگ اہم کردار ادا کر سکتی ہے۔

یہ بھی پڑھیں: ایشیائی ترقیاتی بینک کی پاکستان میں مہنگائی کی شرح میں کمی کی پیشگوئی

رپورٹ میں کہا گیا کہ غریبوں کےلیے سماجی انشورنس کے لیے اقدامات کیے جائیں، ملک میں انشورنس سیکٹر کےلیے ریگولیٹری ماحول بہتر بنانے کی ضرورت ہے، آبادی کی اکثریت کو انشورنس کی آگہی ہی نہیں ہے۔

رپورٹ میں بتایا گیا کہ انفرادی کی بجائے گروپ انشورنس سیکٹر ڈویلپمنٹ میں اہم کردار ادا کر سکتی ہے، ملک میں انشورنس پریمیئم بڑھانے کی ضرورت ہے، حکومت کو نجی شعبے میں لازمی انشورنس کور فراہم کرنے کے لیے کردار ادا کرنا چاہیے۔

رپورٹ کے مطابق سرکاری ملازمین کی پنشن اسکیم پر کشش مگر اس کی فنڈنگ کا کوئی طریقہ کار نہیں رکھا گیا، سرکاری پنشن کا سرکاری خزانے پر بوجھ بہت زیادہ ہے، ای او بی آئی پنشن کے دائرہ کار کو بڑھانے اور اس کی پنشن کو بڑھانے کی ضرورت ہے۔