یومِ شہدائے پولیس کے موقع پر شہداء کو خراجِ عقیدت پیش کرنے کیلئے نغمہ جاری

سلمان علی اعوان

04th Aug, 2025. 12:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

یومِ شہدائے پولیس کے موقع پر شہداء کو خراجِ عقیدت پیش کرنے کیلئے نغمہ جاری
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق

Now Reading:

یومِ شہدائے پولیس کے موقع پر شہداء کو خراجِ عقیدت پیش کرنے کیلئے نغمہ جاری

یومِ شہدائے پولیس کے موقع پر ایک نغمہ جاری کیا گیا ہے جس میں حق اور دفاعِ وطن کے لیے اپنی جان قربان کرنے والے پولیس شہداء کو یاد کیا گیا ہے۔

نغمے کے بول دل کو چھو لینے والے ہیں: ’میں ہوں زندہ مگر ایسے زندوں میں ہوں، جو تیری رکھوالیوں میں مارے گئے۔‘

نغمے میں ایک شہید پولیس اہلکار کی بیٹی جذباتی انداز میں کہتی ہے: ’مجھے ہمیشہ بابا کی یاد آتی ہے۔‘

شہید پولیس اہلکار کی بیوہ کہتی ہیں: ’میں نے اپنے میاں کی پریس کی ہوئی شرٹ آج تک سنبھال کر رکھی ہے جب بھی الماری کھولتی ہوں تو ان کی یاد آتی ہے۔‘

’’جب ہم باہر جاتے تھے تو ہم نارمل بچے نہیں تھے کیونکہ ہمارے پاس پاپا نہیں تھے۔‘‘

مزید پڑھیں: پولیس کے 8 ہزار سے زائد شہداء قوم کا فخر ہیں، وزیراعظم کا خراجِ تحسین

نغمے میں یہ جذباتی الفاظ بھی شامل ہیں؛ ’راہ تکتی ہوئی بیٹیوں کی قسم، ہم یہی ہیں مگر ملیں گے نہیں۔‘

شہید پولیس اہلکار کی بیٹی کا کہنا ہے ’اگر مجھے پاپا واپس مل گئے تو میں انہیں کبھی واپس جانے نہیں دوں گی۔‘

بیٹی نے کہا ’ہمیں فخر ہے کہ ہمارے پاپا نے اس ملک کے لیے اپنی جان کا نذرانہ پیش کیا، خوشی ہے کہ ہمارے والد نے شہادت کو گلے لگایا۔‘

’’اللہ پاک میرے بیٹے سمیت تمام شہداء کی قربانی کو قبول فرمائے۔‘‘