وفاقی وزیر دفاع خواجہ محمد آصف نے کہا ہے کہ پاکستان اور سعودی عرب کے درمیان تاریخی اسٹریٹجک دفاعی معاہدہ دونوں ممالک کے برادرانہ تعلقات میں ایک نئے سنگِ میل کی حیثیت رکھتا ہے۔
خواجہ آصف نے اپنے ایکس پر جاری بیان میں کہا کہ دونوں برادر ممالک دشمن کے خلاف صف آرا ہیں اور ایک دوسرے کے شانہ بشانہ کھڑے رہیں گے۔
انہوں نے کہا کہ رب العزت کے فضل سے ہم مشترکہ دشمن کا مقابلہ کریں گے، ان شاء اللہ۔
وزیر دفاع نے مزید کہا کہ یہ معاہدہ امتِ مسلمہ کے اتحاد کا پیغام ہے۔
آخر میں خواجہ آصف نے نعرہ بلند کیا پاکستان زندہ باد، مسلم امہ پائندہ باد۔
