قومی ٹیم کے سابق کپتان اور مایہ ناز آل راؤنڈر شاہد آفریدی نےبھارت کی جانب سے مقبوضہ کشمیر کی خصوصی حیثیت ختم کرنے پر احتجاج کرتے ہوئے سماجی رابطوں کی ویب سائٹ ٹوئٹر پرکشمیریوں کے حق میں آواز بلند کرتے ہو ئے کہا کہ اس مسئلے کا اقوام متحدہ کی قراردادوں کے مطابق حل کیا جائے۔

Kashmiris must be given their due rights as per #UN resolution. The rights of Freedom like all of us. Why was @UN created & why is it sleeping? The unprovoked aggression & crimes being committed in Kashmir against #Humanity must be noted. The @POTUS must play his role to mediate

— Shahid Afridi (@SAfridiOfficial) August 5, 2019

آفریدی کا مزید کہنا تھا کہ اقوام متحدہ آخر کیوں بنائی گئی تھی اور وہ کیوں سو رہی ہے؟ کشمیر میں انسانیت کے خلاف جاری بلااشتعال جارحیت اور جرائم کا نوٹس لینا جانا چاہیے۔ امریکی صدرڈونلڈ ٹرمپ کو اس سلسلے میں ثالث کا کردار ادا کرنا چاہیے۔

شاہد آفریدی  کی جانب سے مقبوضہ کشمیر کے حق میں با ت کر نے کی دیر تھی کہ ان کے حریف تصور کیے جانے والے بھارتی کھلاڑی گوتم گمبھیربھی اس محاذ پر کو د پڑے اور ہمیشہ کی طرح طنز اور سخت انداز اپنا تے ہوئے شا ہد آفرید ی کو جواب دیتے ہوئے ہرزہ سرائی کی۔

@SAfridiOfficial is spot on guys. There is “unprovoked aggression”, there r “crimes against humanity”. He shud be lauded 👏for bringing this up. Only thing is he forgot to mention that all this is happening in “Pakistan Occupied Kashmir”. Don’t worry, will sort it out son!!!

— Gautam (@GautamGambhir) August 6, 2019

گوتم گمبھیرنے شاہد خا ن آفریدی کو مخا طب کر تے ہوئے ٹوئٹ کی شروعات کی اورکہا کہ  شاہد آفریدی بالکل درست ہیں، یہاں بلااشتعال جارحیت ہو رہی ہے، انسانیت سوز جرائم سرزد ہو رہے ہیں، اس بات کو اٹھانے پر انہیں سراہنا چاہیے لیکن وہ ایک بات کا ذکر کرنا بھول گئے کہ یہ سب ‘پاکستان کے کشمیر’ میں ہو رہا ہے۔

گو تم نے مزید تضحیک آمیز رویہ اپناتے ہوئے آفریدی کو بیٹا کہہ کر پکارا اور کہا کہ پریشان نہ ہوں، بیٹا ہم جلد ہی اسے حل کریں گے۔

واضح رہے کہ شاہد آفریدی اور گوتم گمبھیر اس سے قبل بھی کئی مرتبہ سوشل میڈیا فورم پر ایک دوسرے کو تنقید کا نشانہ بناتے رہے ہیں۔