پاکستان میں عالمی کرکٹ کی بحالی کے لیے جاری کوششیں رنگ لانے لگیں ، سری لنکا کےبعدآسٹریلیا کے دورہ پاکستان کےامکانات روشن ہوگئے۔
تفصیلات کے مطابق آسٹریلیوی کرکٹ بورڈ کےسی ای اوکیون رابرٹس کا کہنا ہے کہ پاکستان میں انٹرنیشنل کرکٹ کیلئےماحول سازگار ہے۔ 2022میں پاکستان کے دورے کے لیےپُرامید ہیں،مگرفیصلے میں جلد بازی نہیں کریں گے۔
پاکستان سے وطن واپس پہنچنے پراُن کا کہنا تھا کہ دورے کامقصداسٹیڈیم اور کھلاڑیوں کی رہائش سمیت سیکیورٹی معاملات کاجائزہ لینا تھا۔
انہوں نے کہا کہ پاکستان میں امن وامان کےحوالےسےمطمئن ہیں لیکن فیصلےمیں جلد بازی نہیں کریں گے۔ پاکستان اور آسٹریلیا کےدیرینہ تعلقات کی بناپر کرکٹ کی بحالی کے لیےہرممکن مدد کریں گے۔
واضح رہے کہ فروری 2022 میں آسٹریلیا کو پاکستان کا دورہ کرنا ہے جس میں 2ٹیسٹ،2ون ڈے اور 3ٹی ٹوئنٹی میچز کھیلے جائیں گے۔
Advertisement
آسٹریلیا نے 1998 کے بعد سےپاکستان کا دورہ نہیں کیا ہے، اس دوران پاکستان نے تمام ہوم سیریز یواے ای میں کھیلی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
