سری لنکن بورڈ کا دورہِ پاکستان کنفرم ہوگیا ہے۔  سری لنکن ٹیم 25 ستمبر کو کراچی پہنچے گی۔ سری لنکن حکومت نے اپنی ٹیم کو دورہ پاکستان کی اجازت دیدی سری لنکن ٹیم کراچی میں 3 ون ڈے کھیلے گی،  ٹی ٹونٹی میچز لاہور میں کھیلے جائیں گے۔

یاد رہے کہ اس سے قبل واضح کیا گیا تھا کہ سری لنکن ٹیم کی آمد کے حوالے سے اچھی خبریں آنا شروع ہوگئی ہیں اور سری لنکن ٹیم جلد پاکستان کا دورہ کرے گی۔ اس کے علاوہ   پاکستان اور سری لنکا سیریز کی ٹکٹوں کی فروخت کا اعلان بھی کر دیا گیا جس کے مطابق  ٹکٹوں کی آن لائن بکنگ 20 ستمبر سے شروع ہوگی۔
ٹکٹیں 21 ستمبر سے ٹی سی ایس کے مخصوص مراکز میں دستیاب ہوں گی۔ سری لنکا کے خلاف ‏ایک روزہ اور ٹی ٹونٹی میچز کے لیے ٹکٹوں کی قیمتیں بھی طے کر دی گئی ہیں۔

چیف ایگزیکٹیو پاکستان کرکٹ بورڈ وسیم خان بھی  سری لنکن ٹیم  کی  میزبانی کے لئے پرعزم ہیں۔ اور وسیم خان سری لنکن کرکٹ بورڈ کے ساتھ رابطے میں ہیں ۔

واضح رہے کہ سری لنکن ٹیم کے ساتھ  ساتھ  آسٹریلیوی کرکٹ ٹیم  کے دورہ پاکستان کے امکانات روشن ہوگئے ہیں۔ آسٹریلیوی کرکٹ  بورڈ  کے سی ای او کیون رابرٹس کا کہنا ہے کہ پاکستان میں انٹرنیشنل کرکٹ کیلئےماحول  سازگار  ہے۔ 2022میں پاکستان کے دورے کے لیے پُرامید ہیں، مگر فیصلے میں جلد بازی نہیں کریں گے۔