میسی پھر ’پلیئرآف دی ایئر‘

عمر اللہ حسینی

24th Sep, 2019. 07:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میسی پھر ’پلیئرآف دی ایئر‘

ارجنٹائن کے اسٹار فٹ بالر لیونل میسی نے چھٹی بار ’فیفا پلیئر آف دی ایئر‘ کا ایوارڈ اپنے نام کر لیا۔
میسی دنیائے فٹبال کے پہلے کھلاڑی بن گئےجنہوں نے یہ اعزاز 6 مرتبہ اپنے نام کیا ہے۔
اطالوی شہر میلان میں ہونے والی فیفا ایوارڈ ز کی سالانہ تقریب میں لیونل میسی کو اعزاز سے نوازا گیا۔
سال کے بہترین کھلاڑی کے اس اعزاز کے لیے ہسپانوی کلب ریال میڈرڈ کے کرسچیانو رونالڈو اور لیورپول کے دفاعی کھلاڑی ویرجل وین ڈیجیک کو بھی نامزد کیا گیا تھا۔
32سالہ لیونل میسی ارجنٹائن کے ایک غریب گھرانے میں پیدا ہوئے اور مسلسل محنت سے خود کو دنیا کے عظیم کھلاڑیوں کی صف میں لا کھڑا کیا۔

11 سال کی عمر میں میسی ہارمون کی کمی کی تشخیص کے بعد علاج کے لیے اسپین منتقل ہوئے۔ بعد ازاں مقامی فٹ بال کلب ایف سی بارسلونا سے معاہدہ کیا۔
میسی نے گزشتہ سیزن میں اسپین کی فٹ بال لیگ لا لیگا کا ٹائٹل بھی اپنے نام کیا تھااور 58 گیمز میں 54 گول داغ کر یورپین گولڈن بوٹ کا ایوارڈ جیتا تھا۔
میسی نے ایف سی بارسلونا کے لیے 8 لالیگا، 4 یو ای ایف اے، 4 کوپا ڈیل رے اور 6 اسپینش سپر کپ ٹرافیز جتوانے میں اہم کردار ادا کیا۔
امریکی کپتان میگن راپینو کو بہترین خاتون فٹبالر کا اعزاز دیا گیا۔
امریکی فٹ بال ٹیم کی نائب کپتان الیکس موگرن جبکہ انگلینڈ فٹ بال ٹیم کی لوسی برونز سال کی بہترین خاتون فٹ بالر کے اعزاز کیلئے میگن راپینو کے مد مقابل نامزد تھیں۔