اب نسل پرستوں کو سزا دینے کا وقت آگیا ہے،صدر فیفا

عمر اللہ حسینی

23rd Sep, 2019. 07:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اب نسل پرستوں کو سزا دینے کا وقت آگیا ہے،صدر فیفا

بین الاقوامی فٹبال ایسوسی ایشن (فیفا) کے صدر نے کہا ہے کہ اب نسل پرستوں کو سزا دینے کا وقت آگیا ہے۔
برطانوی خبررساں ایجنسی کی رپورٹ کے مطابق فیفا کے صدر ایک اطالوی ٹی وی کے پرگرام میں مدعو کیے گئے تھے۔
جہاں انہوں نے اپنے بیان میں کہاکہ نسل پرست نعرے لگانے والے تماشائیوں کا سٹیدیم میں آنا بند ہونا چاہیے۔
ان کا یہ بیان اٹلی میں ہونے والے فٹبال میچ کے دوران برازیلین نژاد کھلاڑی ڈالبرٹ کو سٹیڈیم میں بیٹھے شائقین کی طرف سے نسل پرستی کا سامنا کرنے کے رد عمل میں سامنے آیا ہے۔
ڈالبرٹ کے ریفری کو آگاہ کرنے پر میچ کچھ دیر کے لیے روک دیا گیا اور لاؤڈ سپیکر پر اعلان کر کے تماشائیوں کو نسل پرستانہ رویے کے خلاف متنبہ کیا گیا۔

شائقین کی جانب سے تعاون کے بعد ہی میچ دوبارہ شروع کیا گیا تھا۔
فیفا کے صدر جیانی انفنٹینو کے خیال میں اس مسئلے کو زیادہ سنجیدگی سے لینا چاہیے۔
انہوں نے کہا کہ ’نسل پرستی کو تعلیم، مذمت اور بات چیت کے ذریعے ختم کیا جا سکتا ہے۔‘
انہوں نے مزید کہا کہ نسل پرستی کی معاشرے اور فٹبال میں کوئی جگہ نہیں ہے۔اٹلی میں صورتحال بہتر نہیں ہوئی اور یہ سنجیدہ معاملہ ہے۔
فیفا کے صدر کا کہنا تھا کہ نسل پرستی کے مرتکب افراد کی نشاندہی کر کے سٹیڈیم سے باہر نکالنے کی ضرورت ہے۔
انہوں نے برطانیہ کی مثال دیتے ہوئے کہا کہ قصوروار افراد کو سزا ملنا یقینی امر ہونا چاہیے۔نسل پرستی کی مذمت کرنے سے ڈرا نہیں جا سکتا۔ ہمیں ان (نسل پرستوں) سے تب تک لڑنا پڑے گا، جب تک کہ یہ رک نہ جائیں۔

اس سے قبل اٹلی میں ہونے والے ایک میچ کے دوران ایک اور سیاہ فام کھلاڑی رومیلو کو بھی فٹبال شائقین کی طرف سے نسل پرستانہ رویے کا سامنا کرنا پڑا تھا۔ تماشائی رومیلو کو نشانہ بنا کر بندروں والی آوازیں نکال رہے تھے۔ لیکن ان کے خلاف کوئی قانونی کاروائی نہیں کی گئی تھی۔