انٹرنیشنل کرکٹ کونسل (آئی سی سی) نے اینٹی کرپشن کوڈ کے تحت متحدہ عرب امارات (یو اے ای) کی کرکٹ ٹیم کے کپتان سمیت 3 کھلاڑیوں پر فرد جرم عائد کر کے معطل کر دیا۔
تفصیلات کے مطابق بد عنوانی کے خلاف آئی سی سی کا اینٹی کرپش یونٹ ان ایکشن، آئی سی سی نے اینٹی کرپشن کوڈ کے تحت یو اے ای ٹیم کے کپتان محمد نوید سمیت تین کرکٹرز پر فردجرم عائد کرکے معطل کردیا ہے۔
اینٹی کرپشن قوانین کے تحت محمد نوید، بلے باز شیمن انور بٹ اور فاسٹ بولر قدیر خان پر مشترکہ طور پر 13 الزامات عائد کیے گئے ہیں۔
کپتان محمد نوید اور شیمن انورپر ورلڈ ٹی ٹوئنٹی کوالیفائرز اور اس سال ہونے والی ٹی ٹین لیگ میں میچ فکسنگ کی پیشکش قبول کرنے کے الزامات ہیں ۔
فاسٹ بولر قدیر خان کو زمبابوے اور نیدرلینڈکیخلاف سیریز میں کرپٹ سرگیوں کیلئے روابط سے آئی سی سی کو آگاہ نہ کرنے اور مہر چیاکر نامی کرکٹر کو ٹیم کے حوالے سے معلومات دینے پر چارج کیا گیا ہے ۔
مہر چیاکر متحدہ عرب امارات کے مقامی کرکٹر ہیں اور انہوں نے اجمان میں ایک ٹورنامنٹ بھی کھیلا تھا ۔ ان پربھی آئی سی سی سے تحقیقات میں تعاون نہ کرنے پر فرد جر م عائد کردی گئی ہے۔
یہ بات بھی قابل ذکر ہے کہ محمد نوید، قدیر احمد خان اور شیمن انور بٹ دو روز بعد ہونے والے آئی سی سی ورلڈ ٹی ٹوئنٹی کوالیفائرز کیلئے یو اے ای کے عبوری اسکواڈ میں شامل تھے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News