نیشنل ٹی 20 کپ، سرفراز احمد کپتانی سے دستبردار

اعجاز وسیم باکھری

14th Oct, 2019. 12:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیشنل ٹی 20 کپ، سرفراز احمد کپتانی سے دستبردار

پاکستان کرکٹ ٹیم کے کپتان سرفراز احمد نیشنل ٹی ٹوئنٹی کپ میں سندھ کی قیادت سے دستبردار ہوگئے ہیں۔

پی پی سی بی کے مطابق سری لنکا کے خلاف ٹی ٹوئنٹی سیریز میں شکست کے بعد پاکستانی کرکٹ ٹیم کے کپتان سرفراز احمد نے قومی ٹی ٹوئنٹی کرکٹ ٹورنامنٹ میں سندھ کی قیادت سے انکار کردیا۔

سندھ ٹیم کے مینیجراعظم خان نے بھی سرفراز احمد کی ابتدائی میچز سے بطور کپتان دستبردار ہونے کی تصدیق کی ہے۔

سرفرازاحمد کے انکار کے بعد سندھ کی ٹیم نے فیصل آباد اقبال سٹیڈیم میں شروع ہونے والے نیشنل ٹی ٹونٹی کپ کے لئے اسد شفیق کو کپتان مقرر کیا ہے۔

پریس کانفرنس کرتے ہوئے سرفراز احمد نے ٹیم انتظامیہ کو بتایا کہ ٹورنامنٹ میں کپتانی نہیں کرنا چاہتا اور عام کھلاڑی کی حیثیت سے کھیلوں گا۔

سرفراز احمد کا مزید کہنا تھا کہ میں عام کھلاڑی کی حیثیت سے بیٹنگ اور وکٹ کیپنگ پر توجہ مرکوز کرنا چاہتا ہوں۔

واضح رہے کہ قومی ٹی ٹوئنٹی ٹورنامنٹ 13سے 24 اکتوبر تک فیصل آباد میں کھیلا جائے گا جبکہ ایونٹ کی فاتح ٹیم کو 50 لاکھ روپے کی انعامی رقم دی جائے گی رنر اپ ٹیم کو 25 لاکھ روپے دیے جائیں گے۔