مایہ ناز پرتگالی فٹبالر کرسٹیانو رونالڈو سوشل میڈیا پر فٹبال سے زیادہ معاوضہ وصول کرنے والے کھلاڑی بن گئے۔

تفصیلات کے مطابق کرسٹیانورونالڈو کھیل کے میدان سے زیادہ انسٹاگرام پر اسپانسرڈ پوسٹ سے کما لیتے ہیں۔رونالڈو صرف انسٹاگرام پر اسپانسرڈ پوسٹ لگانے سے سالانہ 4 کروڑ 78 لاکھ ڈالرز کما رہے ہیں۔

گزشتہ سال اٹالین کلب یوئینٹس کی جانب سے کھیلتے ہوئے کرسٹیانو رونالڈو نے 3 کروڑ 40 لاکھ ڈالر زکمائے تھے جس کے بعد کرسٹیانو دنیا کے  سب سے زیادہ معاوضہ وصول کرنے والے دوسرے ایتھلیٹ بن گئے تھے۔

تاہم سوشل میڈیا پر کمائی کے اعتبار سے رونالڈو پہلے نمبر پر ہیں ،جو ایک ریکارڈ کمائی کرنے والے کھلاڑی بن گئے ہیں۔

رونالڈو کے انسٹاگرام پر فالورز  کی تعداد 187 ملین ہےاور وہ سوشل میڈیا پر سب سے زیادہ فالووز والے کھلاڑی ہیں۔

ملٹی نیشنل کمپنیاں رونالڈو کو انسٹاگرام پر اتنی بڑی تعداد میں فالوورز ہونے کی وجہ سے اپنے اشہارات میں بطور ماڈل اور برانڈ ایمبسیڈر لیتی ہیں۔

ان کمپنیوں میں جوتوں کی بین الاقوامی کمپنی نائیکی اور شیمپو کی معروف کمپنی کلین اینڈ کلیئر شامل ہے۔

انسٹاگرام پر سب سے زیادہ کمانے والوں کی فہرست میں رونالڈو کے بعد ارجنٹینا کے فٹبالر لیونل میسی ہیں۔میسی سوشل میڈیا کے ذریعے 2 کروڑ 33 لاکھ ڈالر سالانہ کمائی کرتے ہیں۔

سوشل میڈیا کے ذریعے کمائی کرنے میں  تیسرا نمبرامریکی ٹاپ ماڈل کینڈل جینر کا ہے جو اس پلیٹ فارم سے سالانہ ایک کروڑ 60 لاکھ ڈالر زکماتی ہیں۔