پاکستان اور سری لنکا کے درمیان دوسرا ٹی ٹونٹی کل کھیلا جائے گا

شبین رضا

06th Oct, 2019. 01:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور سری لنکا کے درمیان دوسرا ٹی ٹونٹی کل کھیلا جائے گا

میزبان پاکستان اورمہمان ٹیم سری لنکا کے درمیان دوسرا ٹی ٹونٹی میچ کل کھیلا جائے گا۔

تفصیلات کے مطا بق پاکستان اور سری لنکا کے درمیان دوسرا ٹی ٹونٹی میچ کل کھیلا جائے گا، مہمان ٹیم سر ی لنکا آج 3 بجے قذافی اسٹیڈیم میں ٹریننگ کرے گی، جبکہ قومی ٹیم شام 7 بجے پریکٹس سیشن میں حصہ لے گی۔

واضح رہے کہ گزشتہ روز کھیلے گئے پہلے ٹی ٹونٹی میچ میں 64 رنز سے ہارنے کے بعد سرفراز الیون کم بیک کرنے کے لیے پر امید ہے جبکہ دوسری جانب مہمان ٹیم سری لنکا سیریز میں فتح کے خواب دیکھ رہی ہے۔

پہلے میچ میں سری لنکا نے پاکستان کو شکست دے کے تین میچز کی سیریز میں ایک صفر کی برتری حاصل کرلی ہے ۔

میچ میں سری لنکن ٹیم نے پہلے بیٹنگ کرتے ہوئے 5 وکٹ پر 165 رنز بنائے تھے ،مہمان ٹیم کے تھلاکا نے 57 رنز اسکور کئے ، جبکہ دوسری جانب پاکستان کے ینگسٹ اسٹار محمد حسنین نے ہیٹ ٹرک مکمل کی تھی۔

پاکستانی کے بیٹنگ آرڈر کے فیل ہوجانے کے سبب پوری ٹیم صرف 101 رنز پر ہی ڈھیر ہو گئی ، ٹی ٹونٹی فارمیٹ میں سری لنکا کی پاکستان کے خلاف 64رنز سے فتح سب سے بڑی کامیابی ہے ۔