پاکستان ویمنز  کرکٹ ٹیم کی  کپتان  بسمہ معروف کو آسٹریلیا کے دورے کے لئے ویمن گلوبل ڈویلپمنٹ اسکواڈ (ڈبلیو جی ڈی ایس) کا کپتان مقررکیا گیا ہے۔

آئی سی سی کا گلوبل اسکواڈ آسٹریلیا کا دورہ کرے گا جہاں وہ دورے میں گلوبل اسکواڈ بگ بیش ٹیموں سے میچ کھیلے گا۔

کپتان بسمہ معروف آٹھ ممالک کے کھلاڑیوں پر مشتمل 13 رکنی اسکواڈ کی قیادت کریں گیں جبکہ بسمہ معروف  کی قیادت میں  13  رکنی اسکواڈ  چھ ٹی 20 میچ کھیلے گا ۔

انٹرنیشنل کرکٹ کونسل کی جانب سےچوتھےدورہ اعلان کیا گیاہے۔جبکہ یہ دورہ  کرکٹ آسٹریلیا  کےتعاون سے کیا جارہا ہے  ۔ اس سے قبل انگلینڈ میں جولائی 2018 اور جولائی 2019 میں ،جبکہ   آسٹریلیا میں نومبر 2018 میں اس طرح کے دوروں  کا انعقادکیا گیا ہے ،جس کا مقصد کھلاڑیوں کی صلاحیتوں کو اجاگر کرنا ہے  ۔

دوسری جانب گلوبل اسکواڈ کی کپتان مقرر ہونے پر  پاکستان ویمنز کرکٹ ٹیم  کی کپتان بسمہ معروف  کا کہنا ہے کہ گلوبل اسکواڈ کی کپتانی میرے لیے اعزازہے، جبکہ گلوبل اسکواڈ کی کپتانی سے میری کارکردگی میں بہتری آئے گی۔

 دوسری جانب آئی سی سی ویمنز کے کرکٹ منیجر ہولی کولون  نے کہا ہے کہ ڈبلیو جی ڈی ایس اسکواڈ خواتین کے کھیل کے معیار کو بہتر بنانے میں اہم کردار ادا کرے گی ۔

  چھ ٹی ٹوئنٹی میچز کا آغاز 9 اکتوبر سے ہو گا  جبکہ  گلوبل اسکواڈ  کی ٹیم اپنا آخری میچ 14  اکتوبر  کو کھیلے گی ۔

پاکستان ویمنز  کرکٹ ٹیم کی  کپتان بسمہ معروف 103 ون ڈے اور 100 ٹی ٹونٹی میچوں میں اپنے ملک کی نمائندگی کرچکی ہیں۔