والد کا خواب تھا، جو پورا کیا، بسمہ معروف
کپتان قومی ویمن کرکٹ ٹیم بسمہ معروف کا کہنا ہے کہ وہ بالکل بھی کرکٹ نہیں کھیلنا چاہتی تھیں تاہم والد کی فرمائش پر کرکٹ کھیلنا شروع کی۔
پاکستان کرکٹ بورڈ( پی سی بی ) کی جانب سے سوشل میڈیا پہ بسمہ معروف کے ایک مختصر انٹرویو کی ویڈیو جاری کی گئی۔
انٹرویو میں بسمہ معروف نے پی سی بی کی جانب سے ٹی ٹوئنٹی ورلڈ کپ تک قومی ویمن ٹیم کا کپتان بنائے جانے پر اللہ کا شکر ادا کرتے ہوئے کہا اتنے بڑے ایونٹ میں ٹیم کی کپتانی کرنا اعزاز کی بات ہے۔
انہوں نے مزید کہا کہ گذشتہ دو سال سے ٹیم بہت اچھا پروگریس کررہی ہے ،کوشش کریں گے کہ ورلڈ کپ میں ٹيم کو ٹاپ فور ميں لے کر جائیں۔
“It is truly an honour for me to be continuing as Pakistan’s captain and I look forward to leading the side in the next year’s T20 World Cup,” says @maroof_bismah.
More: https://t.co/DpgwJHEpej#BackOurGirls https://t.co/wQ0AGCDaDC pic.twitter.com/vPrBkpfMBN
— Pakistan Cricket (@TheRealPCB) November 13, 2019
بسمہ معروف کا کہنا تھا کہ اس ٹیم میں بہت ٹیلنٹ ہے،ہم اچھی کرکٹ کھیل رہے ہیں ،کوشش کریں گے اسے مزید جاری رکھیں اور ٹیم کا مومینٹم آگے لے کر جائیں ۔پوری ٹیم ورلڈ کپ میں اچھا پرفارم کرنے کے لیے پر امید ہے۔
کپتان قومی ویمن کرکٹ ٹیم کا مزید کہنا تھا کہ بنگلہ ديش کے خلاف ہوم سيريز جيتنے سے کھلاڑيوں کو اعتماد ملا ہےجبکہ انگلينڈ کے خلاف سيريز بھی اہم ہوگی۔
واضح رہے کہ قومی ویمن ٹیم کے انگلينڈ کے خلاف ہوم سيريز کے شيڈول کا اعلان کر ديا گیا ہے جوکہ ملائيشيا ميں کھيلی جائے گی۔
زیادہ میچز کھیلنا چاہتے ہیں تاکہ رینکنگ بہتر ہو
ون ڈے ميچز 9، 12 اور 14 دسمبر کو کھیلے جائیں گے جبکہ ٹی ٹوئنٹی سيريز کا آغاز 17 دسمبر سے ہوگا۔
یاد رہے کہ پاکستان کرکٹ بورڈ نے بسمہ معروف کو ویمنز ٹی ٹوئنٹی ورلڈ کپ تک قومی ٹیم کا کپتان برقرار رکھا ہے جبکہ اقبال امام کو ہيڈ کوچ مقرر کر ديا ہے۔
ويمنز ٹی ٹوئنٹی ورلڈ کپ فروری 2020 ميں آسٹريليا ميں شيڈول ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News