انگلینڈ کرکٹ بورڈ نے محمد حفیظ کی باؤلنگ پر پابندی لگا دی
انگلینڈ کرکٹ بورڈ ( ای سی بی)نے پاکستانی آل راؤنڈر محمد حفیظ کی باؤلنگ پر پابندی لگا دی ہے۔
تفصیلات کے مطابق انگلینڈ کرکٹ بورڈ نے پاکستانی آل راؤنڈر محمد حفیظ کا باؤلنگ ایکشن ایک بار پھر مشکوک قرار دیتے ہوئے محمد حفیظ کی باؤلنگ پر پابندی لگا دی ہے۔
انگلینڈ کرکٹ بورڈ کے ترجمان کا کہنا ہے کہ باؤلنگ ایکشن درست ہونے تک محمد حفیظ کو انگلینڈ کرکٹ بورڈ کی جانب سے منعقدہ مقابلوں میں باؤلنگ کی اجازت نہیں ہوگی ۔
ترجمان نے مزید بتایا کہ پاکستانی آل راؤنڈر کا باؤلنگ ایکشن 30 اگست کو کاؤنٹی میچ کے دوران رپورٹ ہوا تھا ۔
دوسری جانب محمد حفیظ کا اس حوالے سے کہنا ہے کہ میں انگلینڈ کرکٹ بورڈ کےقوائد و ضوابط کے مطابق آئی سی سی سے منظور شدہ بائیومکینکس لیب میں آزاد تجزیہ کروانے کے لئے تیار ہوں تاکہ میں ای سی بی کے زیر اہتمام مقابلوں میں کھیلنے کا اہل بن سکوں۔
کراچی ٹیسٹ میں کئی منفرد ریکارڈز پاکستان کے نام
واضح رہے کہ اس سے قبل بھی محمد حفیظ کا بالنگ ایکشن تین مرتبہ مشکوک قرار دی اجاچکا ہے جبکہ 2 مرتبہ ان پہ باؤلنگ کرانے پہ بھی پابندی عائد ہوچکی ہے۔
پہلی مرتبہ محمد حفیظ کا باؤلنگ ایکشن نومبر 2014 میں ہونے والی ٹیسٹ سیریز کے دوران مشکوک قرار دیا گیا اور پھر باؤلنگ ایکشن میں بہتری اور ٹیسٹ کے بعد انہیں اپریل 2015 میں باؤلنگ کی اجازت دے دی گئی۔
پاکستانی آل راؤنڈر کا باؤلنگ ایکشن 24 ماہ کے دوران دوسری مرتبہ رپورٹ ہونے کے بعد ان پر جولائی 2015 میں 12 ماہ کے لیے پابندی عائد کر دی گئی اور پھر ایکشن میں دوبارہ سے بہتری کے بعد انہیں نومبر 2016 میں باؤلنگ کرانے کی اجازت دے دی گئی۔
ٹیسٹ رینکنگ: بابر اعظم کیریئر کی بہترین پوزیشن پرآگئے
تیسری مرتبہ ان کا باؤلنگ ایکشن اکتوبر 2017 میں سری لنکا کے خلاف ابو ظہبی میں ہونے والی ایک روزہ سیریز میں رپورٹ ہوا اور پھر نومبر 2017 میں ایک بار پھر ان کے بالنگ کرانے پر پابندی عائد کر دی گئی ۔
اس کے بعد باؤلنگ ایکشن کلیئر کروانے کے بعد یکم مئی 2018 کو انہیں دوبارہ باؤ لنگ کرانے کی اجازت مل گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News