پی ایس ایل 5 مین ملتان سلطان نے پشاور زلمی کو 6 وکٹوں سے شکست دے دی ہے۔

پاکستان سپر لیگ 5 میں آج ملتان میں کھیلے جانے والے آٹھویں میچ میں پشاور زلمی اور ملتان سلطان آمنے سامنے رہے۔

میچ میں پشاور زلمی کی جانب سے ملتان سلطان کو جیت کے لئے 124 رنز کا ہدف دے دیا گیا تھا۔

پشاور زلمی کی اننگز  کا آغاز مایوس کن رہا اور پہلے ہی اوور میں اس کے اوپنر ٹام بینٹن 4 رنز بنا کر محمد عرفان کا شکار ہوگئے۔

جس کے بعد ان فارم بیٹسمین کامران اکمل نے حیدر علی کے ساتھ اننگز کو آگے بڑھانے کی کوشش کی تاہم کامران اکمل بھی چوتھے اوور میں 15 رنز بنا کر سہیل تنویر  کی گیند پر آؤٹ ہوگئے۔

ان کے بعد آنے والے بلے باز شعیب ملک اور لِونگ اسٹونز  کریز پر آتے ہی واپس پویلین چلتے بنے، دونوں کا اسکور بالترتیب 2اور صفر رہا اور دونوں کو محمد الیاس نے ایک ہی اوور میں آؤٹ کیا۔

اس دوران حیدر علی نے اپنی اننگز جاری رکھی اور جارحانہ انداز میں ٹیم کو سنبھالنے کی کوشش کی تاہم وہ بھی 85 کے مجموعی اسکور پر 47 رنز بنا کر سہیل تنویر کا شکار بن گئے۔

ان کے بعد کوئی بھی کھلاڑی وکٹ پر نہ جم سکا اور پشاور زلمی کی پوری ٹیم 19 ویں اوور کی  تیسری گیند پر 123 رنز بنا کر آؤٹ ہوگئی۔

 ملتان کی جانب سے سہیل تنویر نے شاندار بولنگ کا مظاہرہ کیا اور 3 اعشاریہ 3 اوورز میں 13 رنز دیکر 4 کھلاڑیوں کو آؤٹ کیا جس میں ایک اوور میڈن بھی تھا۔

ان کے علاوہ محمد عرفان اور محمد الیاس نے 2،2 جب کہ شاہد آفریدی اور عمران طاہر نے ایک،ایک وکٹ حاصل کی۔

یاد رہے کہ ملتان سلطان نے پشاور شلمی کے مقابلے ٹاس جیت کر پہلے بالنگ کا فیصلہ کیا تھا جبکہ اس وقت ملتان سلطان کی ٹیم کی جانب سے 124 رنز کے تعاقب میں بیٹنگ کے سلسلے کا اغاز کیا تھا۔

واضح رہے کہ پشاور زلمی کی جانب سے سب سے زیادہ اسکور حیدر علی, ایل اے ڈاسن  اور کامران اکمل نے 47، 22 اور 15 رنز بنا کر آوٹ ہوئے۔