پاکستان سپر لیگ ( پی ایس ایل 5) سے کورونا وارس کے سبب کئی غیر ملکی کھلاڑیوں کی وطن واپسی کے بعد متبادل کھلاڑیوں  کی ٹیم میں شمولیت کا سلسلہ جاری ہے۔

تفصیلات کے مطابق پاکستانی نژاد غیرملکی کرکٹر سکندر رضا سمیت قومی کرکٹر عابد علی اور نوجوان آل راؤنڈر سلمان علی آغا ( آغا سلمان) پی ایس ایل 5کا حصہ بن گئے ہیں۔  تینوں کھلاڑی بطور متبادل کرکٹرز لیگ کا حصہ بنے ہیں۔

زمبابوے کے آل راؤنڈر سکندر رضا(سلور کٹیگری)  پشاور زلمی کے اسکواڈ میں شامل ہوگئے ہیں۔

Sikandar Raza, Abid Ali join #HBLPSLV https://t.co/8PJ8ATKMzm pic.twitter.com/eCeSVWAmYT

Advertisement

— PCB Media (@TheRealPCBMedia) March 16, 2020

دوسری جانب دائیں ہاتھ کے  ریکارڈ ساز بلے باز عابد علی اور سلمان علی آغالیگ کے ناک آؤٹ مرحلے کے لیے لاہور قلندرز کے  اسکواڈ میں شامل ہوگئے ہیں۔

دونوں کھلاڑیوں کا انتخاب سلور کٹیگری میں کیا گیا ہے۔

متبادل کی حیثیت سے تینوں کھلاڑیوں کے ناموں کی منظوری پی ایس ایل 5 کی ٹیکنیکل کمیٹی نے دی۔ کمیٹی میں پی سی بی کے چیف ایگزیکٹو آفیسر وسیم خان، بازید خان،مرینہ اقبال، سمیر کھوسہ اور ڈاکٹر سہیل سلیم شامل ہیں۔

33سالہ سکندر رضا،پشاور زلمی کے اسکواڈ میں شامل ڈیرن سیمی کے بعد دوسرے  غیرملکی کرکٹر ہوں گے۔ اس سے قبل آل راؤنڈر حماد اعظم نے پشاور زلمی کو جوائن کیا تھا۔

اس مرتبہ پی ایس ایل میں کتنے گنجے کھلاڑی کھیل رہے ہیں؟

پشاور زلمی کی ٹیم ایونٹ کے پہلے سیمی فائنل میں 17 مارچ کو قذافی اسٹیڈیم لاہور میں ملتان سلطانز کے مدمقابل آئے  گی۔ لاہور قلندرزاور کراچی کنگز کے درمیان ایونٹ کا دوسرا سیمی فائنل شام 7 بجے قذافی اسٹیڈیم لاہور میں  ہی کھیلا جائے گا۔

ایونٹ کا فائنل میچ 18 مارچ کو شام 7 بجے لاہور کے قذافی اسٹیڈیم میں کھیلا جائے گا۔

واضح رہے کہ پی سی بی کی جانب سے کھلاڑیوں کو دستبرداری کی آپشن دئیے جانے کے بعد لیام لیونگ اسٹون، ٹام بینٹن ، لوئس گریگوری، لیام ڈاسن اور کارلوس براتھ ویٹ وطن واپس روانہ ہوگئے تھے۔

گذشتہ شب کرس لین، ڈیوڈ ویزےاور سیکوگے پرسنا نے بھی وطن واپس جانے کا فیصلہ کیا تھا۔