پاکستان  سپر لیگ ( پی ایس ایل ) کے شیڈول میں تبدیلی کرتے ہوئے  پلے آف میچز ختم کردیے گئے۔

تفصیلات کے مطابق پاکستان  سپر لیگ ( پی ایس ایل )   کے شیڈول میں تبدیلی کر دی گئی  ہے، نئے شیڈول میں پلے آف  میچز ختم کردیے گئے ہیں ۔

نئے  شیڈول کے مطابق  سیمی فائنل مقابلے17 مارچ کو لاہور میں  ہوں گے جبکہ   فائنل میچ 18 مارچ کو لاہور میں ہوگا۔

پوائنٹس ٹیبل پر پہلی  ٹیم ایونٹ کی چوتھی  ٹیم سے دوپہر 2 بجے پہلا سیمی فائنل کھیلے گی جبکہ  پوائنٹس ٹیبل پر دوسری اور تیسری پوزیشنز پر موجود ٹیموں کے درمیان مقابلہ شام 7 بجے شروع ہوگا۔

Advertisement

Update: HBL PSL 2020 schedule tweakedhttps://t.co/m6NsWu3tQR #HBLPSLV pic.twitter.com/pV75UNGg4x

— PCB Media (@TheRealPCBMedia) March 13, 2020

ایونٹ کا فائنل 18 مارچ بروزبدھ کو شام 7 بجےقذافی اسٹیڈیم لاہور میں کھیلا جائے گا۔

پی سی بی ذرائع کا کہنا ہے کہ  شیڈول میں تبدیلی تمام ٹیموں کے مالکان کی رضامندی سے کی گئی ہے۔

واضح رہے کہ  پاکستان سپر  لیگ ( پی ایس ایل)  میں شامل کئی غیر ملکی کھلاڑی کورونا وائرس کے سبب  پاکستان چھوڑنے  کا فیصلہ کرچکے ہیں۔

پاکستان کرکٹ بورڈ  کے ذرائع کا کہنا ہے کہ  انگلینڈ کے کھلاڑی لیگ چھوڑ کر واپس جانے  کے لیے تیار ہوگئے ہیں۔

پی سی بی ذرائع کا کہنا ہے کہ  انگلینڈ کے کھلاڑیوں نے لیگ سے دستبردار ہونے کے  لیے کہا تھا،کوئی بھی کھلاڑی لیگ سے الگ ہونے کا اختیار رکھتا ہے ۔