ٹینس اسٹار اعصام الحق نے کہا ہے کہ کوویڈ 19 کے دوران فوری طور انٹرنیشنل ٹینس کا آغاز انتہائی مشکل ہے اس لئے ٹینس کے بین الاقوامی مقابلے ہونے میں ابھی ٹائم لگے گا۔

 اعصام الحق نے اپنے ایک بیان میں کہا ہے کہ ایس او پیز پر عمل کرکے لوکل لیول پر ٹینس مقابلے شروع کئیے جا سکتے ہیں لیکن اس کے لئے دنیا بھرسے انفرادی طور پر کھلاڑی آتے ہیں اور یہ کھیل بھی کرکٹ اور فٹبال سے مختلف ہے۔

انہوں نے کہا کہ ٹینس میں ایسا مشکل ہے کہ دو ٹیموں کو اکٹھا کرکے بند دروازوں میں سیریز کروا لیں اس کے برعکس ایک ہی ملک میں رہ کر نمائشی مقابلے منعقد ہو سکتے ہیں لیکن پھر بھی انٹرنیشنل ٹورنامنٹس ممکن نہیں ہوسکے گے۔۔

اعصام الحق کا کہنا تھا کہ ٹینس کے بین الاقوامی مقابلے ہونے میں ابھی ٹائم لگے گا لیکن جہاں کورونا وائرس نہیں ہے وہاں فینز کے ساتھ مقامی ٹورنامنٹ بھی کروایا جا سکتا ہے اسی متعلق سوچا گیا ہے کہ آئندہ آنے والے دنوں میں فینز کے بغیر چھوٹے ٹورنامنٹس شروع ہوں جائیں گے۔

انہوں نے مزید کہا کہ ٹینس کے ایک ایونٹ میں مختلف ممالک سے سو سے زائد کھلاڑی شرکت کرتے ہیں لیکن اس بار تمام کھلاڑیوں کے ٹیسٹ کر کے ایک جگہ قرنطینہ کرنا بہت مشکل کام ہوگا ۔