کرکٹ کے بعد ہاکی کے بھی گذشتہ اسکینڈلز زدوبارہ کھلنے لگے۔سابق کپتان و اولمپئن حنیف خان نے پنڈاورا باکس کھول دیا۔
تفصیلات کے مطابق سابق کپتان و اولمپئن حنیف خان نے کہا کہ 1983 میں اسمگلنگ کے لیے پاکستان ہاکی ٹیم کا سہارا لیا گیا ۔
سابق کپتان نے کہاکہ 1983 وہ پاکستان ٹیم کے کپتان تھے اور ٹیم ہانگ کانگ سے وطن واپس آرہی تھی۔ہانگ کانگ ائیر پورٹ پر ہی اسمگلنگ کا سامان پاکستان ہاکی ٹیم کے سامان کے ساتھ روانہ کیا گیا۔
اولمپئن حنیف خان نے کہا کہ ائیر پورٹ پر کسٹم حکام نے پاکستان ہاکی ٹیم کو اسمگلنگ کے سامان سے آگاہ کیا ۔سامان میں گاڑیوں کے پارٹس ، چشموں کے فریم اور وی سی آر شامل تھے۔
انہوں نے مزید بتایا کہ اس وقت اس سامان کی مالیت ایک سے ڈیڑھ کروڑ روپے تھی جس سے پاکستان ہاکی ٹیم کی بدنامی ہوئی تھی ۔
Advertisement
سابق کپتان نے کہا کہ تحقیقات ہوئیں تو ٹیم کے کچھ آفیشلز بھی ملوث تھے۔تاہم پاکستان کا نام مزید بدنام نہ ہو اس وجہ سے کیس کو دبا دیا گیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
