مستحق افراد کی خدمت اور مدد ہم پر فرض ہے، شاہد آفریدی

سید قاسم رضا

01st May, 2020. 09:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مستحق افراد کی خدمت اور مدد ہم پر فرض ہے، شاہد آفریدی

قومی کرکٹ ٹیم کے سابق کپتان اور عالمی شہرت یافتہ کرکٹر شاہد خان آفریدی کا کہنا ہے کہ مستحق افراد کی مدد اور خدمت ہم پر فرض ہے۔

خضدار میں مستحق خاندانوں میں راشن تقسیم کرنے کے دوران معروف کرکٹر شاہد افردی کا کہنا تھا کہ کورونا وباء کی وجہ سے اس وقت ملک نازک صورتحال سے گزر رہا ہے اور ایسے موقع پر ملک میں مستحق افراد کی مدد اور خدمت ہم پر فرض ہے۔

سابق کپتان نے کہا کہ میں اپنے دوستوں کے ساتھ مل کر مستحق افراد میں راشن تقسیم کررہاہوں ۔خضدار میں ایک ہزار خاندانوں کو راشن دیا جا رہا ہے اور یہ سلسلہ آئندہ بھی جاری رہے گا۔

انہوں نے کہا کہ کورونا وباء کے دوران پاک آرمی ،لیویز پولیس اور ایف سی کا کردار بھی قابل ستائش ہے جو فرنٹ لائن پر کردار ادا کررہے ہیں۔

شاہد آفریدی نے کہا کہ حکومت کے ساتھ ساتھ مخیر حضرات بھی آگے آئیں اور عوام کی مدد کریں۔ اللہ تبارک و تعالیٰ نے انسانوں کا جوامتحان لیا ہے اس امتحان میں ہمیں کامیاب فرمائے۔

سابق کپتان نے مزید کہا کہ ا س حوالے سے ڈپٹی کمشنر خضدار کا کردار بھی قابل ستائش ہے ۔