پی سی بی نے سب کے ساتھ یکساں سلوک نہیں رکھا، محمد آصف کا شکوہ

سیدہ نادرہ مشتاق

04th May, 2020. 02:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پی سی بی نے سب کے ساتھ یکساں سلوک نہیں رکھا، محمد آصف کا شکوہ
سعودی عرب نے مسلسل تیسری بار فیفا ورلڈ کپ کے لیے کوالیفائی کر لیا
پاکستانی کھلاڑیوں سے ہاتھ نہ ملانے پر آسٹریلین کھلاڑی بھارتی ٹیم کا مذاق اڑانے لگے، ویڈیو وائرل
نعمان علی نے تین بار 10 وکٹیں لینے کا عالمی ریکارڈ برابر کردیا، لیجنڈ عبدالقادر کا 37 سال پرانا ریکارڈ بھی پاش پاش

Now Reading:

پی سی بی نے سب کے ساتھ یکساں سلوک نہیں رکھا، محمد آصف کا شکوہ

اسپاٹ فکسنگ میں سزا پانے والے محمد آصف بھی فکسنگ اسکینڈل میں ٹھکرائے جانے کے بعد میدان میں کود پڑے اور پاکستان کرکٹ بورڈ (پی سی بی) سے اپنے ساتھ ناروا سلوک کا شکوہ کردیا۔

ایک انٹرویو میں اسپاٹ فکسنگ میں سزا پانے والے محمد آصف نے کہا کہ ہر کوئی میری بولنگ کی تعریف کرتا تھا لیکن پی سی بی نے مجھے بچانے کی کوشش نہیں کی۔

انہوں نے کہا کہ مجھ سے پہلے بھی کرکٹرز میچ فکسنگ میں ملوث تھے اور بعد میں بھی ملوث ہوتے رہے جن میں سے چند ایک کو دوسرا موقع دے دیا گیا۔

محمد آصف نے مزید کہا کہ میرے بعد فکسنگ میں ملوث ہونے والے کچھ کھلاڑی ایسے ہیں جو اب بھی کھیل رہے ہیں۔

ان کا کہنا تھا کہ پی سی بی نے سب کے ساتھ یکساں سلوک نہیں کیا ، مجھ سے پہلے فکسنگ میں ملوث ہونے والے کرکٹرز پی سی بی میں کام کر رہے ہیں لیکن مجھے واپسی کا موقع فراہم نہیں کیا گیا۔

محمد آصف نے محمد عامر کی جانب سے ٹیسٹ کرکٹ چھوڑنے کے فیصلے کو بھی غلط قرار دیا۔

یاد رہے کہ اسپاٹ فکسنگ اسکینڈل 2010 میں سلمان بٹ اور محمد عامر کے ساتھ محمد آصف بھی شامل تھے۔تینوں کھلاڑیوں کو قید اور پابندی کی سزا کا سامنا کرنا پڑا تھا۔