دورہ انگلینڈ کے لیے سینئر کھلاڑیوں سرفراز احمد ، محمد حفیظ اور شعیب ملک کی ٹیم میں واپسی کا امکان ہے۔
تفصیلات کے مطابق دورہ انگلینڈ کے لیے ٹیم کی سلیکشن سے متعلق ہونے والا قومی سلیکشن کمیٹی کا اجلاس ختم ہوگیا۔
اجلاس میں سلیکٹرز نے چیف سلیکٹر و ہیڈ کوچ مصباح الحق سے سرفراز احمد کو کیمپ میں بلانے کی سفارش کی ہے جبکہ ٹی ٹوئنٹی کے لیے شعیب ملک اور محمد حفیظ کو بھی شامل کرنے کا مشورہ دیا ہے۔
سلیکٹرز نے چیف سلیکٹر مصباح الحق کو اپنی سفارشات جمع کروا دی ہیں جس میں احمد شہزاد اور آصف علی کو کیمپ میں نہ بلانے پر اتفاق کیا گیا ہے۔
دورہ انگلینڈ کے لیے ابتدائی حتمی ٹیم کا اعلان آئندہ ہفتے متوقع ہے۔
واضح رہے کہ پاکستان کرکٹ ٹیم جولائی کے پہلے ہفتے میں برطانیہ روانہ ہوگی جہاں اس نے انگلینڈ کے خلاف 3 ٹیسٹ اور 3 ٹوئنٹی میچز کھیلنے ہیں۔
دوسری جانب محمد عامر اور حارث سہیل نے دورہ انگلینڈ کے لیے دستیابی سے معذرت کرلی ہے۔
بورڈ حکام نے تصدیق کی ہے کہ فاسٹ باؤلر محمد عامر اور مڈل آرڈر بیٹسمین حارث سہیل نے نجی مصروفیات کی بناء پر دورہ انگلینڈ پر روانگی سے معذرت کرلی ہے۔
محمد عامر نے اگست میں اپنے بچے کی پیدائش اور حارث سہیل نے فیملی وجوہات کی بناء پر دورے سے معذرت کی ہے۔
پاکستان 28 کھلاڑیوں اور 14 پلیئر سپورٹ اسٹاف کو انگلینڈ بھیجے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News